പട്ടിക്കാട്: വിശേഷങ്ങള്‍ പങ്കുവയ്ക്കാന്‍ പഴയ കലാലയമുറ്റത്തേക്കു സ്പീക്കര്‍ പി. ശ്രീരാമകൃഷണനുമെത്തി. പട്ടിക്കാട് ഹയര്‍സെക്കന്‍ഡറി സ്‌കൂളില്‍ 1981മുതല്‍ 90 വരെയുള്ള എസ്.എസ്.എല്‍.സി ബാച്ചിലെ വിദ്യാര്‍ഥികളാണ് ഇന്നലെ ഒത്തുകൂടിയത്. സംഗമം ഉദ്ഘാടനം ചെയ്യുന്നതിനിടെ പഴയ സൗഹൃദങ്ങളുടെ രസക്കൂട്ടുകള്‍ ഓര്‍ത്തെടുത്ത് മൂന്നര പതിറ്റാണ്ടു മുന്‍പത്തെ വിദ്യാലയ സ്മരണയില്‍ സ്പീക്കര്‍ വാചാലനായി. ചടങ്ങില്‍ ബ്ലോക്ക് പഞ്ചായത്തംഗം സി.പി അബ്ദുല്ല അധ്യക്ഷനായി. പി.ടി.എ പ്രസിഡന്റ് എ. ഉമ്മര്‍, ഹെഡ്മിസ്ട്രസ് സതീഷന്‍, അഡ്വ. കെ.ടി ഉമ്മര്‍, സി. വാസുദേവന്‍, കെ. ജയപ്രകാശ്, കെ.ടി യൂസഫ് സംസാരിച്ചു. 1991 മുതല്‍ 2015 വരെയുള്ള പൂര്‍വവിദ്യാര്‍ഥികളുടെ സംഗമം 26ന് നടക്കും.