പാലക്കാട്: ജില്ലാ ലൈബ്രറി വായനാ വാരാചരണത്തിന്റെ ഭാഗമായി ലൈബ്രറി മറിയുമ്മ സ്മാരക സെമിനാര്‍ ഹാളില്‍ 25ന് വൈകീട്ട് നാലിന് ഒത്തു ചേരല്‍ പരിപാടി നടത്തും. പി.പി രാമചന്ദ്രന്‍ ഉദ്ഘാടനം ചെയ്യും. ആഷാ മേനോന്‍ മുഖ്യപ്രഭാഷണം നടത്തും. എന്‍ രാധാകൃഷ്ണന്‍ നായര്‍ പി.എന്‍ പണിക്കര്‍ അനുസ്മരണം നടത്തും. ടി.ആര്‍ അജയന്‍ അധ്യക്ഷനാകും. ചടങ്ങില്‍ ജയചന്ദ്രന്‍ മൊകേരി രചിച്ച 'തക്കിജ്ജ : എന്റെ ജയില്‍ ജീവിതം' എന്ന ഓര്‍മക്കുറിപ്പുകള്‍ പ്രൊഫ. പി.എ വാസുദേവനും എം.പ്രശാന്ത് രചിച്ച 'അസ്‌നയിലേക്കുള്ള ദൂരം' എന്ന നോവല്‍ ടി.കെ ശങ്കരനാരായണനും പള്ളിക്കുന്നന്‍ രചിച്ച 'ശ്രാന്തം' എന്ന നോവല്‍ കെ.പി രമേഷും പ്രകാശനം ചെയ്യും. ചടങ്ങില്‍ രഘുനാഥന്‍ പറളി, മേഹന്‍ദാസ് ശ്രീകൃഷ്ണപുരം, എം കാസിം എന്നിവര്‍ക്ക് സ്വീകരണം നല്‍കും.