ബെയ്‌റൂത്ത്: ഒരു പതിറ്റാണ്ടിനിടയിലുള്ള ആദ്യ പൊതുതെരഞ്ഞെടുപ്പിന് ഇന്ന് ലബനാന്‍ സാക്ഷിയാകും. 

2009നു ശേഷം ലബനീസ് പാര്‍ലമെന്റിലേക്കു നടക്കുന്ന ആദ്യ വോട്ടെടുപ്പാണിത്. ആകെ 3.6 മില്യന്‍ വോട്ടര്‍മാക്കാണ് സമ്മതിദാനാവകാശമുള്ളത്.
കഴിഞ്ഞ വര്‍ഷം രാജ്യത്തെ തെരഞ്ഞെടുപ്പ് സംവിധാനം അടിമുറി മാറ്റിയിരുന്നു. വിവിധ മതവിഭാഗങ്ങള്‍ക്കു കൂടുതല്‍ പ്രാതിനിധ്യം നല്‍കിക്കൊണ്ടാണ് തെരഞ്ഞെടുപ്പ് പ്രക്രിയയില്‍ ഭേദഗതി വരുത്തിയിരിക്കുന്നത്.
15 ജില്ലകളിലായി 128 മണ്ഡലങ്ങളിലാണ് ഇന്ന് ജനവിധിയെഴുത്ത് നടക്കാനിരിക്കുന്നത്. 500ലേറെ സ്ഥാനാര്‍ഥികള്‍ മത്സരരംഗത്തുണ്ട്. പ്രധാനമന്ത്രി സഅദ് ഹരീരി വീണ്ടും മത്സരരംഗത്തുണ്ട്.