എച്ച്.ഐ.ഡി ലാംപ് ഉപയോഗിച്ചാല് വാഹന വകുപ്പിന്റെ പിടിവീഴും
കാക്കനാട് : കാല്നട യാത്രക്കാര്ക്കും എതിരെവരുന്ന വാഹനങ്ങള്ക്കും വളരെയധികം ബുദ്ധിമുട്ട് ഉണ്ടാക്കുന്ന ഹൈ ഇന്ഡന്സിറ്റി ഡിസ്ചാര്ജ്ജ് (എച്ച്.ഐ.ഡി ) ലൈറ്റ് ഉപയോഗിച്ച് വാഹനമോടിക്കുന്നവരെ പിടികൂടാന് മോട്ടോര് വാഹന വകുപ്പ് എന്ഫോഴ്സ്മെന്റ് വിഭാഗം നടപടികള് ആരംഭിച്ചു. നിരവധി പരാതികള് ലഭിച്ചതിനെതുടര്ന്നാണ് വാഹന വകുപ്പിന്റെ ഈ നടപടി.
ജില്ലയിലെ വിവിധ ഭാഗങ്ങളില് കഴിഞ്ഞ ആഴ്ചയില് വാഹനവകുപ്പു ഉദ്യോഗസ്ഥര് നടത്തിയ പരിശോധനയില് എഴുപതോളം വാഹനങ്ങള് പിടികൂടിയതായി എറണാകുളം ആര്.ടി.ഒ പി.എച്ച് സാദിഖലി പറഞ്ഞു. യുവതലമുറ അവരുടെ ബൈക്കില് ഇത്തരം ലൈറ്റുകള് ഘടിപ്പിക്കുന്ന പ്രവണത കൂടി വരികയാണെന്നും അദ്ദേഹം കൂട്ടി ചേര്ത്തു.
പ്രാഥമിക നടപടികള് എന്ന നിലയില് ഇങ്ങനെ പിടികൂടുന്ന വാഹനങ്ങള്ക്ക് അഞ്ഞൂറ് രൂപ പിഴ ഈടാക്കും. രണ്ടാമതും പിടിക്കപ്പെട്ടാല് വാഹനങ്ങളില് ഘടിപ്പിച്ചിട്ടുള്ള എച്ച്.ഐ.ഡി ലൈറ്റ് അഴിച്ചു മാറ്റുകയും വീണ്ടും തുടര്ന്നാല് വാഹനം കസ്റ്റഡിയില് എടുക്കുകയും ചെയ്യുമെന്നും വാഹന വകുപ്പ് ഉദ്യോഗസ്ഥര് പറഞ്ഞു.
Comments (0)
Disclaimer: "The website reserves the right to moderate, edit, or remove any comments that violate the guidelines or terms of service."