തിരുവനന്തപുരം: മദ്യനിരോധന നയം അട്ടിമറിക്കാന്‍ സര്‍ക്കാര്‍ ശ്രമിക്കുന്നുവെന്ന് ചൂണ്ടിക്കാട്ടി കെ.സി.ബി.സിയുടെ സര്‍ക്കുലര്‍. മദ്യവിരുദ്ധ ഞായറാഴ്ച ആചരിക്കുന്നതിന്റെ ഭാഗമായി കെ.സി.ബി.സി മദ്യവിരുദ്ധ സമിതി ചെയര്‍മാന്‍ ബിഷപ്പ് മാര്‍ റെമിജിയോസ് ഇഞ്ചനാനിയില്‍ ആണ് സര്‍ക്കുലര്‍ പുറത്തിറക്കിയത്.
മുന്‍ യു.ഡി.എഫ് സര്‍ക്കാര്‍ നടപ്പാക്കിയ ഭാഗിക മദ്യനിരോധനം വിജയമല്ലെന്ന് സ്ഥാപിക്കാന്‍ ശ്രമം നടക്കുന്നതായും സര്‍ക്കുലറിലുണ്ട്. ദേശീയ, സംസ്ഥാന പാതയോരങ്ങളില്‍ മദ്യശാലകള്‍ നിരോധിച്ചുകൊണ്ടുള്ള സുപ്രിംകോടതി വിധി വലിയ പ്രതീക്ഷയാണ് നല്‍കുന്നതെന്നും സര്‍ക്കുലര്‍ പറയുന്നു.