ന്യൂഡല്‍ഹി: ലോക റാങ്കിങില്‍ മൂന്നാം സ്ഥാനത്തുള്ള ഇന്ത്യയുടെ ബാഡ്മിന്റണ്‍ താരം കിഡംബി ശ്രീകാന്ത് സൂപ്പര്‍ സീരീസ് പോരാട്ടങ്ങളില്‍ നിന്ന് പിന്‍മാറുന്നു. വരാനിരിക്കുന്ന ഏഷ്യന്‍ ഗെയിംസ്, ലോക ചാംപ്യന്‍ഷ് പോരാട്ടങ്ങളില്‍ മികച്ച പ്രകടനം ലക്ഷ്യമിട്ടാണ് താരം സൂപ്പര്‍ സീരീസ് മത്സരങ്ങള്‍ വേണ്ടന്ന് വയ്ക്കുന്നത്. അടിക്കടി ഉണ്ടാകുന്ന പരുക്കും താരത്തിന്റെ പിന്‍മാറ്റത്തിന് പിന്നിലുണ്ട്. റാങ്കിങിന് വേണ്ടിയല്ല കളിക്കുന്നതെന്നും കൃത്യമായ പദ്ധതികള്‍ രൂപീകരിച്ചാണ് മത്സരങ്ങള്‍ക്ക് തയ്യാറെടുക്കുന്നതെന്നും താരം വ്യക്തമാക്കി.