പരപ്പനങ്ങാടി: നെടുവ വില്ലേജില്‍ പതിനഞ്ച് ഏക്കര്‍ വയലുകള്‍ കത്തിനശിച്ചു. മൂന്നു മണിക്കൂറോളം നാട്ടുകാരം അഗ്‌നിശമനസേനയും പരിശ്രമിച്ചതിനു ശേഷമാണ് തീയണച്ചത്. ഉള്ളണം വടക്കു ഭാഗത്തുനിന്നാണ് തീപടര്‍ന്നത്. കീഴ്ചിറ, കുണ്ടംപാടം, പോന്മായി ഭാഗങ്ങളിലെ വയലുകളിലാണ് അഗ്‌നിബാധയുണ്ടായത്.
ഇവിടെയുള്ള നൂറുക്കണക്കിന് വാഴകള്‍ പൂര്‍ണമായും കത്തിനശിച്ചിട്ടുണ്ട്. തിരൂരില്‍നിന്നെത്തിയ ഫയര്‍ഫോഴ്‌സ് രക്ഷാപ്രവര്‍ത്തനത്തിനു നേതൃത്വം നല്‍കി.
ഫയര്‍മാന്‍മാരായ സജിത്ത്, അബ്ദുല്‍ ജലീല്‍, നൂറി ഹിലാല്‍, വിപിന്‍, രവീന്ദ്രനാഥ് നേതൃത്വം നല്‍കി.