പുതുക്കാട്: ദേശീയപാതയില്‍ പുതുക്കാട് കെ.എസ്.ആര്‍.ടി.സി സ്റ്റാന്റിന് സമീപം  കാറില്‍ തട്ടി വീണ സ്‌കൂട്ടറില്‍ ബസ് കയറി. ഒരാള്‍ക്ക് പരുക്ക്. സ്‌കൂട്ടര്‍ യാത്രക്കാരനായ കല്ലൂര്‍ ഞെള്ളൂര്‍  നെല്ലങ്കര മോഹനാ(62) ണ് പരുക്കേറ്റത്.  ഇന്നലെ വൈകീട്ട് നാലിനായിരുന്നു അപകടം.
സര്‍വീസ് റോഡിലൂടെ ദിശ തെറ്റിവന്ന സ്‌കൂട്ടര്‍ എതിരെവന്ന കാറിന്റെ മിറ്ററില്‍ തട്ടി മറിഞ്ഞു. റോഡില്‍ വീണ സ്‌കൂട്ടറില്‍ കാറിനു പിറകെ വന്ന കെ.എസ്.ആര്‍.ടി.സി. ബസ് കയറുകയായിരുന്നു. പരുക്കേറ്റയാളെ പുതുക്കാട് താലൂക്ക് ആശുപത്രിയില്‍ എത്തിച്ചു. പരുക്ക് സാരമുള്ളതല്ല.