കോഴിക്കോട്: ഹോസ്റ്റലിലെ സഹറൂമുകാരിയുടെ അര്‍ധനഗ്‌ന ഫോട്ടോ മൊബൈലില്‍ പകര്‍ത്തി കാമുകന് വാട്‌സ്ആപ്പ് വഴി അയച്ചുകൊടുത്ത യുവതി അറസ്റ്റില്‍. നടക്കാവ് സി.വി.എന്‍ കളരിക്കു സമീപത്തെ ഹോസ്റ്റലില്‍ താമസിക്കുന്ന കാസര്‍കോട് സ്വദേശിനി അനിത(26)യെയാണ് നടക്കാവ് പൊലിസ് അറസ്റ്റു ചെയ്തത്.
അല്‍പവസ്ത്രം ധരിച്ചു സുഹൃത്ത് ഉറങ്ങുന്ന വിവിധ ഫോട്ടോകള്‍ കോഴിക്കോട് സ്വദേശിയായ കാമുകന് വാട്‌സ്ആപ്പ് വഴി അയച്ചുകൊടുക്കുകയായിരുന്നു. സുഹൃത്ത് സിറ്റി പൊലിസ് കമ്മിഷണര്‍ക്കു നല്‍കിയ പരാതിയുടെ അടിസ്ഥാനത്തിലാണു നടപടി. അനിതയുടെ മൊബൈല്‍ പരിശോധിച്ച പൊലിസ് പരാതിക്കാരിയുടെ നിരവധി ദൃശ്യങ്ങള്‍ കണ്ടെടുത്തു.
അതേസമയം, യുവതിയുടെ കാമുകനെ പൊലിസ് ബന്ധപ്പെട്ടതോടെ ഇയാള്‍ മൊബൈലില്‍ നിന്നു ദൃശ്യങ്ങള്‍ ഡിലീറ്റ് ചെയ്തു. ദൃശ്യങ്ങള്‍ മറ്റാര്‍ക്കും അയച്ചിട്ടില്ലെന്നാണ് പൊലിസ് പറയുന്നത്.