മലപ്പുറം: സുന്നി മഹല്ല് ഫെഡറേഷനു കീഴില്‍ സംഘടിപ്പിക്കുന്ന ജംഇയ്യത്തുല്‍ ഖുത്വബാഅ് രൂപീകരണ സംഗമം ഇന്നു രാവിലെ പത്തിനു ചെമ്മാട് ദാറുല്‍ഹുദാ ഇസ്‌ലാമിക് യൂനിവേഴ്‌സിറ്റിയില്‍ നടക്കും. സമസ്ത പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ ഉദ്ഘാടനം ചെയ്യും.
മഹല്ലുകളില്‍ ഇമാമുമാരായി സേവനം ചെയ്യുന്നവര്‍ക്കായി ദാറുല്‍ഹുദാ പൊതുവിദ്യാഭ്യാസ സംരംഭം സിപെറ്റ് നടത്തിയ ഇമാം ഡിപ്ലോമ കോഴ്‌സ് വിജയകരമായി പൂര്‍ത്തിയാക്കിയവര്‍ക്കുള്ള സര്‍ട്ടിഫിക്കറ്റ് വിതരണം സയ്യിദ് റഷീദലി ശിഹാബ് തങ്ങള്‍ നിര്‍വഹിക്കും.