മൊറയൂര്‍: കരള്‍ മാറ്റിവെക്കല്‍ ശസ്ത്രക്രിയക്ക് വിധേയയയായ  മൊറയൂരിലെ ശിഫാനക്ക് സ്‌നേഹ സാന്ത്വനമായി ഇനി കാരുണ്യഭവനവും. മൊറയൂര്‍ പഞ്ചായത്ത് കെ.എം.സി.സിയാണ് ഇവര്‍ക്കായി ബൈത്തുറഹ്മ നിര്‍മിച്ചുനല്‍കുന്നത്. കരള്‍മാറ്റിവയ്ക്കല്‍ ചികിത്സക്കായി സുമനസുകള്‍ ഒത്തുച്ചേര്‍ന്നപ്പോള്‍ ചികിത്സാ ചെലവായ  ലക്ഷങ്ങള്‍ സ്വരൂപിക്കാനായിരുന്നു.
 മത, രാഷ്ട്രീയ, സാമൂഹ്യ സംഘടനകള്‍,  വ്യാപാരികള്‍, സന്നദ്ധ പ്രവര്‍ത്തകര്‍, സൈബര്‍ കൂട്ടായ്മകള്‍ എന്നിവര്‍ ഒത്തുചേര്‍ന്നാണ് ഈ ദരിദ്രകുടുംബത്തിന്റെ ചികിത്സാചെലവ് കണ്ടെത്തിയത്.
വീടിന്റെ നിര്‍മാണ പ്രവൃത്തി ഉദ്ഘാടനം കഴിഞ്ഞ ദിവസം പാണക്കാട് സയ്യിദ് ഹമീദലി ശിഹാബ് തങ്ങള്‍ നിര്‍വഹിച്ചു. വി.പി അബൂബക്കര്‍, മജീദ് അരിമ്പ്ര, കബീര്‍ മോങ്ങം, കെ.എ സലീം മാസ്റ്റര്‍, റസാഖ് വാലഞ്ചേരി, ശിഹാബ് ഒഴുകൂര്‍ സംബന്ധിച്ചു. സി.കെ മുഹമ്മദ് ചെയര്‍മാനും മജീദ് അരിമ്പ്ര കണ്‍വീനറും പി.കുഞ്ഞാലി ഹാജി ട്രഷററുമായ സമിതിയുടെ നേതൃത്വത്തിലാണ് വീട് നിര്‍മാണം.