മാവൂര്‍: താത്തൂര്‍ മുതിരിപറമ്പില്‍ ആളൊഴിഞ്ഞ വീട്ടില്‍ നിന്ന് 3.730 കിലോ കഞ്ചാവുമായി രണ്ടു പേരെ മാവൂര്‍ പൊലിസ് അറസ്റ്റ് ചെയ്തു.
താത്തൂര്‍ മുതിരിപറമ്പില്‍ അബ്ദുല്‍ബാസിത് (24), താത്തൂര്‍ സ്വദേശിയും ഇപ്പോള്‍ കാസര്‍കോഡ് പനയാല്‍ തൊണ്ടോളിയില്‍ താമിസിക്കുന്ന ആഷിക് (21) എന്നിവരാണ് പിടിയിലായത്. പൊലിസിന് ലഭിച്ച രഹസ്യവിവരത്തിന്റെ അടിസ്ഥാനത്തില്‍ വെള്ളിലശ്ശേരി ഭാഗത്തുള്ള ആളൊഴിഞ്ഞ വീട്ടില്‍ നിന്നാണ് ഇവരെ പിടികൂടിയത്. താത്തൂര്‍ സ്വദേശി അബ്ദുല്‍ ബാസിത് ഡ്രൈവറും, കാസര്‍കോഡ് സ്വദേശി ആഷിക് കിണര്‍ പണിക്കാരനുമാണ്. കുന്ദമംഗലം ഫസ്റ്റ്ക്ലാസ് മജിസ്‌ട്രേറ്റ് കോടതിയില്‍ ഹാജറാക്കിയ പ്രതികളെ രണ്ടാഴ്ചയിലേക്ക് റിമാന്‍ഡ് ചെയ്തു. പ്രദേശത്ത് വിദ്യാര്‍ഥികളേയും യുവാക്കളെയും വലയിലാക്കാന്‍ കഞ്ചാവ് മാഫിയ ഏറെക്കാലമായി ശ്രമം നടത്തുന്നതായി നാട്ടുകാര്‍ പറഞ്ഞു. എസ്.ഐ പി. മുരളിധരന്‍, അഡീഷനല്‍ എസ്.ഐ ശ്യാം, എ.എസ്.ഐ പുഷ്‌പേന്ദ്രന്‍ പൊലിസുകാരായ ശരത്, അബ്ദുറഹീം ചേര്‍ന്നാണ് പ്രതിയെ പിടികൂടിയത്. സഞ്ചരിക്കാന്‍ ഉപയോഗിച്ച ബൈക്കും കസ്റ്റഡിയിലെടുത്തിട്ടുണ്ട്.