കിളിമാനൂര്‍ :പഴയകുന്നുമ്മേല്‍ ഗ്രാമ പഞ്ചായത്തിലെ മഹാദേവേശ്വരം വാര്‍ഡില്‍ ഉള്‍പ്പെട്ട കുഴിവിള ഇരപ്പില്‍ പാലത്തിന്റെ നിര്‍മാണോദ്ഘാടനം വ്യാഴാഴ്ച്ച വൈകുന്നേരം നാലിന് നടക്കും. കുഴിവിള മിച്ച ഭൂമിയില്‍ നടക്കുന്ന സമ്മേളനത്തില്‍ ഗ്രാമ പഞ്ചായത്ത് പ്രസിഡന്റ് എസ് .സിന്ധു തറക്കല്ലിടല്‍ നിര്‍വ്വഹിക്കും .വൈസ് പ്രസിഡന്റ് കെ.രാജേന്ദ്രന്‍ അധ്യക്ഷനാകും. ജില്ലാ പഞ്ചായത്തംഗം സ്മിത ,ബ്ലോക്ക് പഞ്ചായത്തംഗം എസ് .യഹിയ,വാര്‍ഡ് മെമ്പര്‍ വി.ജി.പോറ്റി തുടങ്ങിയവര്‍ സംസാരിക്കും .
കുഴിവിള ,ഇരപ്പില്‍ ,വലിയവിള ,കോട്ടക്കല്‍ നിവാസികളുടെ വര്‍ഷങ്ങളായുള്ള ആവശ്യമാണ് ഇതോടെ സഫലമാകുന്നത്. ലോക ബാങ്കിന്റെ സാമ്പത്തിക സഹായത്തോടെയാണ് നിര്‍മാണ പ്രവര്‍ത്തനം.