ശാസ്താംകോട്ട: കുന്നത്തൂരിന്റെ ചിരകാലാഭിലാഷമായ ശാസ്താംകോട്ട കെ.എസ്.ആര്‍.ടി.സി ബസ് ഡിപ്പോ ഉടന്‍ പ്രവര്‍ത്തനം ആരംഭിക്കുമെന്ന ഉറപ്പ് ഗതാഗത വകുപ്പ് മന്ത്രി നല്‍കിയതായി കോവൂര്‍ കുഞ്ഞുമോന്‍ എം.എല്‍.എ അറിയിച്ചു.
എം.എല്‍.എയുടെ ആസ്തി വികസനഫണ്ടില്‍ നിന്നും ഗ്യാരേജിനായി ഒരു കോടി രൂപയും ഡിപ്പോ നിര്‍മാണത്തിന് 50 ലക്ഷം രൂപയും ഉള്‍പെടെ മൊത്തം 1.5 കോടി രൂപ അനുവദിച്ച് പണി പൂര്‍ത്തീകരിച്ചിട്ടുണ്ട്. ശാസ്താംകോട്ടയിലെ ഏറ്റവും മൂല്യമുള്ള സ്ഥലവും ഇതിനായി ലഭ്യമാക്കിയിട്ടുണ്ട്. ഡിപ്പോ അനുവദിക്കണമെന്ന കുന്നത്തൂരിന്റെ മുഴുവന്‍ ജനങ്ങളുടെയും ആവശ്യം കോവൂര്‍ കുഞ്ഞുമോന്‍ എം.എല്‍.എ സഭയില്‍ അവതരിപ്പിച്ചതിനു മറുപടിയായാണ് ഗതാഗത വകുപ്പ് മന്ത്രി ഉറപ്പുനല്‍കിയത്.