എടത്വ: സെന്റ് അലോഷ്യസ് കോളജില്‍ കോളജ് ഡേ ആഘോഷവും അവാര്‍ഡ് ദാനവും ഇന്ന് രാവില പത്തിന് കോളജ് ഓഡിറ്റോറിയത്തില്‍ നടക്കും. യു.ജി., പി.ജി. അവസാന വര്‍ഷ വിദ്യാര്‍ഥികളില്‍നിന്നും വിവിധ മത്സര റൗണ്ടുകളില്‍ വിജയികളായ അഞ്ച് വിദ്യാര്‍ഥികളെയാണ് ആദരിക്കുന്നത്. മാളു ഷെയ്ക്ക് മുഖ്യാതിഥിയാകും. വിവിധ പാഠ്യപാഠ്യേതര പ്രവര്‍ത്തനങ്ങളില്‍ മികവു തെളിയിച്ച വിദ്യാര്‍ഥികള്‍ക്കുള്ള സമ്മാനദാനവും ഉച്ചയ്ക്ക് ശേഷം അലോഷ്യന്‍ സിംഗര്‍ മത്സരത്തിന്റെ ഫൈനലും നടക്കും.

കോണ്‍ഗ്രസ് ബൂത്ത് പുനസംഘടനായോഗംതുറവൂര്‍: അരൂര്‍ ബ്ലോക്കിലെ 98 ബൂത്തുകളിലും കോണ്‍ഗ്രസ് പുനസംഘടന മാര്‍ച്ച് 31നകം പൂര്‍ത്തികരിക്കും. ഇതിന് ചുമതലക്കാരുടെ മണ്ഡലം, ബൂത്ത്തലത്തിന്റെ ടൈം ഷെഡ്യൂളുകള്‍ തയ്യാറാക്കുന്നതിനുള്ള ജില്ലാ - ബ്ലോക്ക് - മണ്ഡലം കമ്മിറ്റികളില്‍നിന്നും ചാര്‍ജ് നല്‍കിയിട്ടുള്ള നേതാക്കളുടെ യോഗം ഇന്ന് അരൂര്‍ നോര്‍ത്ത്, അരൂര്‍ സൗത്ത്, എഴുപുന്ന എന്നി മണ്ഡലങ്ങളിലും നാളെ കോടംതുരുത്ത്, കുത്തിയതോട്, തുറവൂര്‍ എന്നി മണ്ഡലങ്ങളിലും നടക്കുമെന്ന് അരൂര്‍ ബ്ലോക്ക് കോണ്‍ഗ്രസ് കമ്മിറ്റി പ്രസിഡന്റ് ദിലീപ് കണ്ണാടന്‍ അറിയിച്ചു.