റബര്‍ ബോര്‍ഡില്‍ രാജഭാഷാസമ്മേളനം
കോട്ടയം: റബര്‍ ബോര്‍ഡിലെ ഈ വര്‍ഷത്തെ രാജഭാഷാസമ്മേളനം നാളെ രാവിലെ 10 മണിക്ക് കോട്ടയത്തുള്ള ഇന്ത്യന്‍ റബര്‍ഗവേഷണ കേന്ദ്രത്തില്‍ വച്ച് പ്രശസ്ത കവിയും എഴുത്തുകാരനുമായ കല്‍പ്പറ്റ നാരായണന്‍ ഉദ്ഘാടനം ചെയ്യും.
ചടങ്ങില്‍ റബര്‍ബോര്‍ഡ് ചെയര്‍മാന്‍ എ. അജിത്കുമാര്‍ അധ്യക്ഷനായിരിക്കും. കേന്ദ്ര ആഭ്യന്തര മന്ത്രാലയത്തിന്റെ കീഴിലുള്ള ഔദ്യോഗിക ഭാഷാവിഭാഗമാണ് കേന്ദ്രസര്‍ക്കാര്‍ സ്ഥാപനങ്ങളില്‍ ഔദ്യോഗികഭാഷ പ്രചരിപ്പിക്കുന്നതിന് ഹിന്ദി മാസാചരണവും രാജഭാഷാ സമ്മേളനങ്ങളും നടത്താന്‍ നിര്‍ദേശിച്ചിരിക്കുന്നത്.
ഹിന്ദിമാസാചരണവുമായി ബന്ധപ്പെട്ട് നടത്തിയ വിവിധ മത്സരങ്ങളില്‍ വിജയികളായവര്‍ക്കുള്ള സമ്മാനങ്ങളും ഹിന്ദിയുടെ ഉപയോഗം കാര്യക്ഷമമായി നടപ്പാക്കിയിട്ടുള്ള ഓഫിസുകള്‍ക്കുള്ള പുരസ്‌കാരങ്ങളും സമ്മേളനത്തില്‍ വിതരണം ചെയ്യും.