തൃപ്രയാര്‍: പാഠപുസ്തകങ്ങള്‍ പഠിക്കല്‍ അനിവാര്യമാണെങ്കിലും കേവലം പുസ്തകപ്പുഴുക്കള്‍ മാത്രമായി വിദ്യാര്‍ഥികള്‍ മാറരുതെന്ന് സി.എന്‍.ജയദേവന്‍ എം.പി പറഞ്ഞു.
എസ്.എസ്.എല്‍.സി പരീക്ഷയില്‍ നൂറു ശതമാനം വിജയം നേടിയ പെരിങ്ങോട്ടുകര ചെമ്മാപ്പിള്ളി സെറാഫിക് കോണ്‍വെന്റ സ്‌കൂളിലെ മെറിറ്റ് ഡേ ചടങ്ങ് ഉദ്ഘാടനം ചെയ്തു സംസാരിക്കുകയായിരുന്നു എം.പി. മേഖലയിലെ ഇതര വിദ്യാഭ്യാസ സ്ഥാപനങ്ങളേക്കാള്‍ തിളക്കമാര്‍ന്ന വിജയം കൈവരിച്ച സ്‌കൂളിന് സി.എന്‍.ജയദേവന്‍ എം.പി സമ്മാനമായി സ്‌കൂള്‍ ബസ് അനുവദിച്ചു. ഗീതാ ഗോപി എം.എല്‍.എയെ സിസ്റ്റര്‍ സുപ്പീരിയര്‍ റെയ്മ ജീസ് പൊന്നാടയണിയിച്ച് ആദരിച്ചു.
 താന്ന്യം ഗ്രാമപഞ്ചായത്ത് പ്രസിഡന്റ് സി.പി ജോസ് അധ്യക്ഷനായി.
മികച്ച വിജയികള്‍ക്ക് കാഷ് അവാര്‍ഡുകളും മറ്റു പാരിതോഷികങ്ങളും ബ്ലോക്ക് പഞ്ചായത്ത് പ്രസിഡന്റ് പി.സി ശ്രീദേവി, ശുഭ സുരേഷ്, തുടങ്ങിയവര്‍ വിതരണം ചെയ്തു. സിസ്റ്റര്‍ ലിറ്റില്‍ മേരി, ബാബു വിജയകുമാര്‍, ഫാ. ഡേവീസ് ചിറമ്മല്‍ തുടങ്ങിയവര്‍ സംസാരിച്ചു.