മണ്ണാര്‍ക്കാട്: എസ്.കെ.എസ്.എസ്.എഫ് പാലക്കാട്ട് ജില്ലാ മദീനാ പാഷന്‍ വിജയിപ്പിക്കാന്‍ കര്‍മരംഗത്തിറങ്ങണമെന്ന് വിഖായ ജില്ലാ സമിതി ആഹ്വാനം ചെയ്തു. പതിനേഴ് മേഖലകളിലെ വിഖായ കണ്‍വീനര്‍, ചെയര്‍മാന്‍ മാരുടെ യോഗം ചെര്‍പ്പുളശ്ശേരി സമസ്ത കര്യാലയത്തില്‍ ചേര്‍ന്നു.
ജില്ലാ സമ്മേളനത്തിന്റെ മുന്നോടിയായി ഏപ്രില്‍ 14 ന് വൈകുന്നേരം ജില്ലയിലെ 313 വിഖായ വാളണ്ടിയേഴ്‌സിന്റെ റൂട്ട് മാര്‍ച്ച് മണ്ണാര്‍ക്കാട് നടക്കും. ജില്ലയിലെ എസ്.കെ.എസ്.എസ്.എഫി ന്റെ സന്നദ്ധ വിഭാഗമായ 313 വിഖായ വാളണ്ടിയര്‍മാരുടെ ലോഞ്ചിങ്ങിന്റെ ഔദ്യാഗിക പ്രഖ്യാപനം  ഉദ്ഘാടന സമ്മേളനത്തില്‍ നടക്കും.
സമ്മേളന പ്രചരണാര്‍ഥം ക്ലസ്റ്റര്‍ തലങ്ങളില്‍ വിഖായ പദയാത്ര നടത്താനും തീരുമാനിച്ചു. സമസ്ത ജില്ലാ കാര്യാലയത്തില്‍ ചേര്‍ന്ന യോഗത്തില്‍ ജില്ലാ ചെയമാന്‍ സൈനുല്‍ ആബിദ് ഫൈസിയുടെ അധ്യക്ഷതയില്‍ യോഗം കുഞ്ഞി മുഹമ്മദ് ഫൈസി ഉദ്ഘാടനം ചെയ്തു.
ജില്ലാ വിഖായ കര്‍മ പദ്ധതി മനീഷ കണ്‍വീനര്‍ കബീര്‍ അന്‍വരി അവതരിപ്പിച്ചു. വിഖായ ജില്ലാ കണ്‍വീനര്‍ സലാം ഫൈസി സ്വാഗതവും അബൂദുന്നാസര്‍ അസ്ഹരി നന്ദിയും പറഞ്ഞു.