മതിലകം: മതിലകം ഗ്രാമപഞ്ചായത്തില്‍ എസ്.സി വിദ്യാര്‍ഥികള്‍ക്ക് സൈക്കിള്‍ വിതരണം നടത്തി. മതിലകം ബ്ലോക്ക് പഞ്ചായത്ത് പ്രസിഡന്റ് കെ.കെ അബീദലി വിതരാണോദ്ഘാടനം നിര്‍വഹിച്ചു.
 മതിലകം ഗ്രാമപഞ്ചായത്ത് പ്രസിഡന്റ് ഇ.ജി സുരേന്ദ്രന്‍ അധ്യക്ഷനായി. പഞ്ചായത്ത് അസിസ്റ്റന്റ് സെക്രട്ടറി എം.ബി ഷീല റിപ്പോര്‍ട്ട് അവതരിപ്പിച്ചു. ജില്ല പഞ്ചായത്തംഗം ബി.ജി വിഷ്ണു, ബ്ലോക്ക് പഞ്ചായത്ത് വികസന കാര്യ സ്റ്റാന്‍ഡിങ് കമ്മിറ്റി ചെയര്‍മാന്‍ എം.എ വിജയന്‍, പഞ്ചായത്ത് വൈസ് പ്രസിഡന്റ് സുവര്‍ണ ജയശങ്കര്‍, ബ്ലോക്ക് പഞ്ചായത്തംഗം ലൈന അനില്‍, പഞ്ചായത്ത് സെക്രട്ടറി പി.വി.ഷാബു എന്നിവര്‍ സംസാരിച്ചു.