കുന്നംകുളം: ആര്‍ത്താറ്റ് സെന്റ് മേരീസ് സിറിയന്‍ സിംഹാസനപള്ളിയിലെ അന്ത്യോഖ്യാ സിംഹാസന പ്രതിനിധി പരിശുദ്ധനായ മോര്‍ ഒസ്താത്തിയോസ് സ്ലീബാ ബാവായുടെ 87 ആം ഓര്‍മപ്പെരുന്നാളും വചനപ്രഘോഷണവും മാര്‍ച്  15 മുതല്‍ 19 വരെയുള്ള ദിവസങ്ങളില്‍ നടക്കുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. ബുധന്‍ വ്യാഴം വെള്ളി ദിവസങ്ങളില്‍ ധ്യാനയോഗം,എല്ലാ ദിവസങ്ങളിലും  സന്ധ്യാ പ്രാര്‍ത്ഥന, ഗാനശുശ്രൂഷ എന്നിവയുണ്ടാകും.  ബുധനാഴ്ച സന്ധ്യാ പ്രാര്‍ത്ഥന, ഗാനശുശ്രൂഷ എന്നിവ നടക്കും. വ്യാഴാഴ്ച വടവുകോട് സെന്റ് മേരീസ് യാക്കോബായ സുറിയാനി പള്ളിയില്‍ നിന്ന് തീര്‍ത്ഥയാത്ര പുറപ്പെടും. വചനപ്രഘോഷണവും നടക്കും. വെള്ളിയാഴ്ച വചനപ്രഘോഷണം, ശനിയാഴ്ച വിശുദ്ധ കുര്‍ബ്ബാന, കാല്‍നട തീര്‍ത്ഥയാത്ര, ഞായറാഴ്ച  തീര്‍ത്ഥയാത്ര,കബറിങ്കല്‍ ധൂപപ്രാര്‍ത്ഥന ആശീര്‍വാദം നേര്‍ച്ചസദ്യ  എന്നിവയോടെ ആഘോഷങ്ങള്‍ക്ക് സമാപനമാകും. വാര്‍ത്താസമ്മേളനത്തില്‍ റവ ഫാദര്‍ നിജോ പി തമ്പി,റവ ഫാദര്‍ സിജി മാത്യു,ജോര്‍ജ്ജ് ജോബ്,ചാക്കോ ജോര്‍ജ്ജ് പനയ്ക്കല്‍,എ സി വര്‍ഗീസ് എന്നിവര്‍ പങ്കെടുത്തു.