വടക്കാഞ്ചേരി: വടക്കാഞ്ചേരിയിലെ മുഖ്യ തപാല്‍ ഓഫിസില്‍ നിന്ന് ഇനി എപ്പോഴും പണം ലഭിക്കും. അത്യാധുനിക സൗകര്യങ്ങളോടെയുള്ള എ.ടി. എം പോസ്റ്റ് ഓഫിസില്‍ പ്രവര്‍ത്തനമാരംഭിച്ചു. യാതൊരു വിധ സര്‍വിസ് ചാര്‍ജും ഈടാക്കുന്നില്ലെന്നതാണ് സവിശേഷത.
പല ബാങ്കുകളിലും മൂന്ന് തവണ ഇടപാട് നടത്തിയാല്‍ അമ്പത് രൂപയിലേറെ സര്‍വിസ് ചാര്‍ജായി ഈടാക്കുമ്പോഴാണ് തപാല്‍ വകുപ്പിന്റെ സൗജന്യ സേവനം. എത് ബാങ്കിന്റെയും എ.ടി.എം കാര്‍ഡ് പോസ്റ്റ്  ഓഫിസ് എ.ടി.എമ്മില്‍ ഉപയോഗിക്കാം. അമ്പത് രൂപ അടക്കുകയും ആധാര്‍ കാര്‍ഡും രണ്ട് കോപ്പി ഫോട്ടോയും നല്‍കിയാല്‍ കാര്‍ഡ് ലഭിക്കും. വളരെ സുഗമമായ നടപടി ക്രമങ്ങള്‍ ജനങ്ങള്‍ക്ക് എറെ  ആശ്വാസം പകരുന്നതാണ്. കേന്ദ്ര സര്‍ക്കാരിന്റെ ഡിജിറ്റല്‍ ഇന്ത്യ പദ്ധതിയുടെ  ഭാഗമായാണ്  ഇപ്പോള്‍ വടക്കാഞ്ചേരി പോസ്റ്റ് ഓഫിസില്‍ എ.ടി.എം പ്രവര്‍ത്തന മാരംഭിച്ചിട്ടുള്ളത്.