കാഴിക്കോട്: ജാഫര്‍ഖാന്‍ കോളനി റോഡില്‍ ചെറൂട്ടി നഗറിന് സമീപം ഓടിക്കൊണ്ടിരിക്കുന്ന കാറിന് മുകളില്‍ റോഡരികിലെ തണല്‍മരം വീണു.
ഇന്നലെ രാത്രി ഏഴോടെയാണ് സംഭവം. പൊന്നാനി സ്വദേശിയായ അക്ബറും കുടുംബവുമായിരുന്നു കാറിലുണ്ടായിരുന്നത്. ആര്‍ക്കും പരുക്കില്ല. കാറിന്റെ മുന്നിലെ ഗ്ലാസ് തകര്‍ന്നു.
ബീച്ച് ഫയര്‍‌സ്റ്റേഷനില്‍നിന്നു സ്റ്റേഷന്‍ ഓഫിസര്‍ വി.കെ ബിജുവിന്റെ നേതൃത്വത്തിലെത്തിയ സേനാംഗങ്ങള്‍  മരം മുറിച്ചുമാറ്റി ഗതാഗതം പുനസ്ഥാപിച്ചു.
ജാഫര്‍ഖാന്‍ കോളനി റോഡില്‍ റോഡ് പണി നടക്കുന്നതിനാല്‍ ഓവു ചാല് വീതി കൂട്ടുന്നതിനായി ജെ.സി.ബി ഉപയോഗിച്ച് മരത്തിന് സമീപത്തെ  മണ്ണുമാറ്റിയതിനാല്‍ വേര് മുറിഞ്ഞതാണ് മരം വീഴാന്‍ കാരണം.