കണ്ണൂര്‍: ഗീതാ ജ്ഞാന യജ്ഞത്തിന്റെ പ്രചാരണാര്‍ഥം 'ഗീത പഠിക്കൂ വേദത്തിലേക്ക് മടങ്ങൂ' എന്ന സന്ദേശവുമായി വിളംബര രഥയാത്രയുടെ പര്യടനം ഇന്നു മുതല്‍ ജില്ലയില്‍. ഇക്കരെ കൊട്ടിയൂര്‍ ശിവക്ഷേത്രത്തിലെ സ്വീകരണത്തോടെയാരംഭിക്കുന്ന പര്യടനം ക്ഷേത്രങ്ങളിലെയും ആശ്രമ കേന്ദ്രങ്ങളിലെയും സ്വീകരണത്തിനു ശേഷം വൈകുന്നേരം ആറരയോടെ പയ്യാവൂര്‍ ശിവ ക്ഷേത്രത്തില്‍ സമാപിക്കും. നാളെ രാവിലെ എട്ടോടെ പാടിക്കുറ്റി മഹാദേവ ക്ഷേത്രത്തില്‍ നിന്നാരംഭിച്ചു 12.30ഓടെ കാസര്‍കോട് പ്രവേശിക്കും. വാര്‍ത്താസമ്മേളനത്തില്‍ കെ.എന്‍ രാധാകൃഷ്ണന്‍, കെ വിജയന്‍, എം സന്തോഷ്, എന്‍.പി ജനാര്‍ദ്ദനന്‍, ഇ.പി ശ്രീധരന്‍ സംബന്ധിച്ചു.