കാറഡുക്ക: കാറഡുക്ക ബ്ലോക്ക് പഞ്ചായത്തിന്റെയും  കാറഡുക്ക ഗ്രാമപഞ്ചായത്തിന്റെയും മുള്ളേരിയ പ്രാഥമിക ആരോഗ്യ കേന്ദ്രത്തിന്റെയും  സംയുക്താഭിമുഖ്യത്തില്‍ 16ന് ഉച്ചയ്ക്ക് 3.30 മുതല്‍ 6.30 വരെ  പകര്‍ച്ചവ്യാധി പ്രതിരോധ പ്രവര്‍ത്തനത്തിന്റെ ഭാഗമായി കര്‍മ്മംതൊടിയില്‍ ആരോഗ്യസന്ദേശ യാത്ര സംഘടിപ്പിക്കും. മുള്ളേരിയ പ്രാഥമികാരോഗ്യ കേന്ദ്രം പ്രസിദ്ധീകരിച്ച കാന്‍സര്‍ രോഗത്തെ  സംബന്ധിച്ചുളള കൈപുസ്തകം പ്രകാശനവും ആദരിക്കല്‍ ചടങ്ങും നടക്കും. കാറഡുക്ക ബ്ലോക്ക് പഞ്ചായത് പ്രസിഡന്റ് ഓമന രാമചന്ദ്രന്‍ ഉദ്ഘാടനം ചെയ്യും.
ചെറുവത്തൂര്‍: ആരോഗ്യ സന്ദേശയാത്ര ഇന്ന് രാവിലെ പത്തിന് ചെറുവത്തൂരില്‍ ബ്ലോക്ക് പഞ്ചായത്ത് പ്രസിഡന്റ് വി പി ജാനകി ഉദ്ഘാടനം ചെയ്യും. സഞ്ചരിക്കുന്ന ജീവിത ശൈലി രോഗ നിര്‍ണയ വാഹനത്തിന്റെ ഫ്‌ളാഗ് ഓഫ് ജില്ലാ പഞ്ചായത്തംഗം പി.സി സുബൈദ  നിര്‍വഹിക്കും.