ചാരുംമൂട്: താമരക്കുളം കൊട്ടയ്ക്കാട്ടുശ്ശേരിയില്‍ അര്‍ദ്ധരാത്രിയില്‍ വീട് കത്തിനശിച്ചു.
മണലാടി ക്ഷേത്രത്തിനു സമീപം അയണിവിളയില്‍ രവീന്ദ്രന്റെ വീടാണ് പൂര്‍ണ്ണമായി കത്തിനശിച്ചത്.ചൊവ്വാഴ്ച രാത്രി 12 മണിയോടെയായിരുന്നു സംഭവം. അയല്‍വാസികളാണ് വീട് കത്തുന്നത് കണ്ടത്. നാട്ടുക്കാര്‍ വിവരം അറിയിച്ചതോടെ പോലീസും, അഗ്‌നിശമന സേനയും സ്ഥലത്തെത്തിയാണ് പൂര്‍ണ്ണമായും തീയണച്ചത്.തടികൊണ്ടുള്ള ഭിത്തികളോടുകൂടിയ നിലവറയടക്കുള്ള പഴയ കാല വീടാണ് കത്തി നശിച്ചത്.ഇതിന് തൊട്ടടുത്തായി പുതിയ വീട് നിര്‍മ്മിച്ചിരുന്നതിനാല്‍ ഇവിടെയാണ് വീട്ടുകാര്‍ താമസിച്ചു വരുന്നത്.