പരപ്പനങ്ങാടി : 'മഴയെത്തും മുന്‍പേ'പകര്‍ച്ചവ്യാധികള്‍ക്കെതിരേ പൊതുജനങ്ങളെ ബോധവല്‍ക്കരിക്കുന്നതിനും രോഗ നിയന്ത്രണ പ്രവര്‍ത്തനത്തില്‍ പങ്ക് ഉറപ്പ് വരുത്തുന്നതിനും ജില്ലാ ആരോഗ്യ വകുപ്പിന്റെ നേതൃത്ത്വത്തില്‍ നടത്തുന്ന ആരോഗ്യ സന്ദേശ യാത്രയ്ക്ക് പരപ്പനങ്ങാടിയില്‍ സ്വീകരണം നല്‍കി .
ആരോഗ്യ കലാ ജാഥയിലൂടെ പകര്‍ച്ചവ്യാധികളെക്കുറിച്ച് ജനങ്ങളെ ബോധവല്‍ക്കരിക്കുക എന്നതാണ് സന്ദേശ യാത്രയുടെ ലക്ഷ്യം. റെയില്‍വേ സ്റ്റേഷന്‍ പരിസരത്ത് നിന്ന് ആരംഭിച്ച കലാജാഥ ടൗണ്‍ ജി എം എല്‍ പി സ്‌കൂളില്‍ പൊതുസമ്മേളനത്തോടെ സമാപിച്ചു.
മുനിസിപ്പല്‍ ചെയര്‍പേഴ്‌സണ്‍ വി വി ജമീല ടീച്ചര്‍ ഉദ്ഘാടനം ചെയ്തു. വൈസ് ചെയര്‍മാന്‍ എച്ച് ഹനീഫ അധ്യക്ഷനായി. ജാഥാ ക്യാപ്റ്റന്‍ ജില്ലാ മലേറിയ ഓഫിസര്‍ കെ അനില്‍കുമാര്‍ ആമുഖ പ്രഭാഷണം നടത്തി.
കെ എം പി ഹൈറുന്നീസ, ഭവ്യാരാജ്, എ ഉസ്മാന്‍, എം ഉസ്മാന്‍, ദേവന്‍ ആലുങ്ങല്‍, പി വി തുളസീദാസ്, ശ്രീകല, ഗോപാലന്‍, കുമാരന്‍, ഡോ.ആനന്ദ്, ഡോ.രഞ്ജിത്ത്, കെ കെ അഷ്‌റഫ് സംസാരിച്ചു. വിവിധ ബോധവല്‍ക്കരണ കലാപരിപാടികളും നടന്നു.