കാട്ടാക്കട: കഞ്ചാവുമായി യുവാവ് പിടിയില്‍. കണ്ടല തൂങ്ങാംപാറ ഹരിജന്‍ കോളനിയില്‍ പ്രമോദി(31) നെയാണ് ഇന്നലെ രാവിലെ 11 മണിയോടെ മാറനല്ലൂരിലെ അരുവിക്കര പാലത്തിന് സമീപം പച്ച് അമരവിള  എക്‌സൈസ് ഇന്റലിജന്‍സ് വിഭാഗം പിടികൂടിയത്.
തമിഴ്‌നാട്ടില്‍ നിന്നുളള കഞ്ചാവ് മാഫിയ കളിക്കവിളക്കടുത്ത് കുഴിവിളയിലും അമ്പൂരിയിലും എത്തിക്കുന്ന കഞ്ചാവ് ഓട്ടോറിക്ഷ ഡ്രൈവര്‍ എന്ന വ്യജേന കടത്തി ജില്ലയുടെ വിവിധ ഭാഗങ്ങളില്‍ വില്‍പ്പന നടത്തുകയാണ് ഇയാള്‍ ചെയ്തിരുന്നത്. ആറ് മാസം കൊണ്ട് ഇയാളെ അമരവിള എക്‌സൈസ് സംഘം നീരിക്ഷിച്ച് വരികയായിരുന്നു. കഞ്ചാവ് വാങ്ങാന്‍ എന്ന വ്യാജേന ഇയാളുമായി എക്‌സൈസ് സംഘം ബന്ധപ്പെടുകയും തുടര്‍ന്ന് അരുവിക്കര പാലത്തില്‍ എത്താന്‍ ആവശ്യപ്പെടുകയും ചെയ്തു. തുടര്‍ന്ന് എത്തിയ ഇയാളെ സംഘം ഇയാളെ പിടികൂടുകയും ഇയാളില്‍ നിന്നും അഞ്ച് പൊതി കഞ്ചാവ് പിടിച്ചെടുക്കുകയും ചെയ്തു.
കൂടെ ഉണ്ടായിരുന്നയാള്‍ സംഘത്തെ കണ്ട് ബൈക്കുമായി കടന്നു. മാറനല്ലൂര്‍ പൊലിസിന്റെ നേതൃത്വത്തില്‍ ഇയാളുടെ വീട്ടില്‍ തിരച്ചില്‍ നടത്തിയപ്പോള്‍ ഒന്നര കിലേ കഞ്ചാവ് കണ്ടെത്തി.
നെടുമങ്ങാട്: ഒരു രണ്ടുകിലോയോളം കഞ്ചാവുമായി ഒരാള്‍ എക്‌സൈസ് പിടിയിലായി. കുളത്തൂപ്പുഴ ഹില്‍ക്കര സ്വദേശി സതീഷ്(32) ആണ് പിടിയിലായത്. ഇയാളുടെ കൈയില്‍നിന്നും 1.50 കിലോഗ്രാം കഞ്ചാവ് പിടിച്ചെടുത്തു.
തെന്മല, കുളത്തൂപ്പുഴ, മടത്തറ, പാങ്ങോട്, ഭരതന്നൂര്‍, കല്ലറ പ്രദേശത്തെ കഞ്ചാവിന്റെ മൊത്ത വിതരണക്കാരനാണ് സതീഷ്. കഴിഞ്ഞ ഒരാഴ്ചക്കാലമായി എക്‌സൈസ് നിരീക്ഷണത്തിലായിരുന്നു
ഇയാള്‍. മടത്തറ-പാലോട് റോഡില്‍ ചല്ലിമുക്ക് ജങ്ഷനില്‍ വച്ചാണ് ഇയാള്‍ അറസ്റ്റിലായത്.
റെയ്ഡില്‍ പ്രിവന്റീവ് ഓഫിസര്‍ ബി.നവാസ്, സിവില്‍ എക്‌സൈസ് ഓഫിസര്‍മാരായ എസ്.നജിമുദ്ദീന്‍, ബി.എസ്.അശോക് കുമാര്‍, എല്‍.ലിബിന്‍, ആര്‍.സി.ഉല്ലാസ്, ഡ്രൈവര്‍ ആര്‍.സുധീര്‍ കുമാര്‍ എന്നിവരുടെ നേതൃത്വത്തിലായിരുന്നു അറസ്റ്റ്.
കഞ്ചാവ്