കൊല്ലം: ഇന്‍ഫര്‍മേഷന്‍ പബ്ലിക് റിലേഷന്‍സ് വകുപ്പ്, പി.എന്‍ പണിക്കര്‍ ഫൗണ്ടേഷന്‍, സാക്ഷരതാമിഷന്‍, ലൈബ്രറി കൗണ്‍സില്‍, വിദ്യാഭ്യാസ വകുപ്പ് എന്നിവയുടെ സംയുക്താഭിമുഖ്യത്തില്‍ സംഘടിപ്പിച്ച വായന വാരാഘോഷത്തിന്റെ സമാപന സമ്മേളനം കരുനാഗപ്പള്ളി ഗവ. ഗേള്‍സ് ഹൈസ്‌കൂളില്‍ നടന്നു.
ജില്ലാ ലൈബ്രറി കൗണ്‍സില്‍ പ്രസിഡന്റ് ഡോ. പി.കെ ഗോപന്‍ സമ്മേളനം ഉദ്ഘാടനം ചെയ്തു.
പി.ടി.എ വൈസ് പ്രസിഡന്റ് അബ്ദുല്‍ സലാം അധ്യക്ഷനായി. ജന്‍ശിക്ഷന്‍ സന്‍സ്ഥാന്‍ ഡയറക്ടര്‍ നടയ്ക്കല്‍ ശശി, എന്‍ ജയചന്ദ്രന്‍, ഗോപാലകൃഷ്ണപിള്ള, രാജന്‍ നായര്‍, ഗണപൂജാരി, ഹെഡ്മിസ്ട്രസ് എല്‍ ശ്രീലത, അസിസ്റ്റന്റ് ഇന്‍ഫര്‍മേഷന്‍ ഓഫിസര്‍ പി.ആര്‍ സാബു തുടങ്ങിയവര്‍ സംസാരിച്ചു.