മഹാരാഷ്ട്ര: വിജയ് ഹസാരെ ട്രോഫിയിലെ മൂന്നും നാലും ക്വാര്‍ട്ടര്‍ ഫൈനല്‍ പോരാട്ടത്തില്‍ ബംഗാളിനും ജാര്‍ഖണ്ഡിനും ജയം. ബംഗാള്‍ മഹാരാഷ്ട്രയെ നാലു വിക്കറ്റിനും ജാര്‍ഖണ്ഡ് വിദര്‍ഭയെ ആറു വിക്കറ്റിനും പരാജയപ്പെടുത്തി സെമിയില്‍ പ്രവേശിക്കുകയായിരുന്നു.
മഹാരാഷ്ട്രയുടെ 319 റണ്‍സെന്ന വമ്പന്‍ വിജയലക്ഷ്യം ഒരു പന്തു ബാക്കി നില്‍ക്കെ ആറു വിക്കറ്റ് നഷ്ടത്തിലാണ് ബംഗാള്‍ മറികടന്നത്. ശ്രീവത്സ് ഗോസ്വാമി(74) സുദീപ് ചാറ്റര്‍ജി(60*) അനുസ്തൂപ് മജുംദാര്‍(66) എന്നിവരുടെ അര്‍ധസെഞ്ച്വറികളാണ് ടീമിനെ ജയത്തിലേക്ക് നയിച്ചത്.
വിദര്‍ഭയുടെ 160 റണ്‍സ് വിജയലക്ഷ്യം ഇഷാങ്ക് ജഗ്ഗി(41) പ്രത്യുഷ് സിങ്(33) ഇഷാന്‍ കിഷന്‍(35) എന്നിവര്‍ മികച്ച പ്രകടനം നടത്തി. ക്യാപ്റ്റന്‍ മഹേന്ദ്ര സിങ് ധോണി(18*) പുറത്താകാതെ നിന്നു. 29 പന്ത് ബാക്കി നില്‍ക്കെ നാലു വിക്കറ്റ് നഷ്ടപ്പെടുത്തിയായിരുന്നു ജയം.