മണ്ണാര്‍ക്കാട്: സമസ്ത കേരള സുന്നി ബാലവേദി സംസ്ഥാന കമ്മിറ്റി കരുതിവെക്കാം ജീവന്റെ തുള്ളികള്‍ നാളെക്കായ് എന്ന പ്രമേയത്തില്‍ ജലദിന കാമ്പയിന്‍ 22 മുതല്‍ മെയ് 22 വരെ ആചരിക്കുന്നു.
ക്യാംപയ്‌നിന്റെ ജില്ലാതല ഉദ്ഘാടനം 19ന് വൈകുന്നേരം നാലിന് ഒറ്റപ്പാലം റെയ്ഞ്ചിലെ തിരുണ്ടിക്കല്‍ ഹയാത്തുല്‍ ഇസ്‌ലാം മദ്‌റസയില്‍ വെച്ച് നടക്കും.
ശാഖാ റെയ്ഞ്ച് തലങ്ങളില്‍ തണ്ണീര്‍പന്തല്‍ ജലസംരക്ഷ പ്രതിഞ്ജ, ബോധവല്‍കരണ ക്ലാസ്, പോസ്റ്റര്‍ പ്രദര്‍ശനം സംഘടിപ്പിക്കും. ജലധിന ക്യാംപയ്ന്‍ വിജയിപ്പിക്കാന്‍ ജില്ലാ പ്രവര്‍ത്തക സമിതിയോഗം ശാഖ-റെയ്ഞ്ച് ഭാരവാഹികളോട് അഭ്യര്‍ഥിച്ചു.
ചെര്‍പ്പുളശ്ശേരി ജില്ലാ കാര്യാലയത്തില്‍ ചേര്‍ന്ന യോഗത്തില്‍ ജില്ലാ പ്രസിഡന്റ് മുനാഫര്‍ ഒറ്റപ്പാലം അധ്യക്ഷനായി. മനാഫ് കോട്ടോപ്പാടം, അനസ് മാരായമംഗലം, മുഹ്‌സിന്‍ മഠത്തിപ്പറമ്പ്, മുബഷിര്‍ ചുങ്കത്ത്, അജ്മല്‍ ബീവിപ്പടി, സല്‍മാന്‍ കരിമ്പ, അസ്‌ലഹ് ആമയൂര്‍ സംസാരിച്ചു.