കാസര്‍കോട്: തദ്ദേശഭരണ സ്ഥാപന അധ്യക്ഷന്‍മാരുടെ നേതൃത്വത്തില്‍ ഭരണ സമിതി അംഗങ്ങള്‍ ബന്ധപ്പെട്ട ജില്ലാ,ബ്ലോക്ക് പഞ്ചായത്ത് ഡിവിഷന്‍ അംഗങ്ങള്‍, തദ്ദേശസ്വയംഭരണ സ്ഥാപനത്തിന്റെ സെക്രട്ടറി, കൃഷി ഓഫിസര്‍, കുടുംബശ്രീ, ഐ.സി.ഡി.എസ് സൂപ്പര്‍വൈസര്‍, വില്ലേജ് എക്സ്റ്റന്‍ഷന്‍ ഓഫിസര്‍, തദ്ദേശ ഭരണ സ്ഥാപനത്തിന്റെ എന്‍ജിനിയര്‍, മെഡിക്കല്‍ ഓഫിസര്‍മാര്‍ എന്നിവര്‍ അംഗങ്ങളായുള്ള തദ്ദേശ ഭരണ സ്ഥാപന തല മിഷനാണു നിലവില്‍ വന്നത്. സംസ്ഥാനത്തിന്റെ വികസനത്തിനുവേണ്ടി സര്‍ക്കാര്‍ രൂപീകരിച്ച ഹരിതകേരളം, ആര്‍ദ്രം, ലൈഫ്, പൊതുവിദ്യാഭ്യാസ സംരക്ഷണയജ്ഞം എന്നീ നാലു മിഷനുകളുടെ പ്രവര്‍ത്തനവുമായി ബന്ധപ്പെട്ടാണ്  മിഷന്‍ രൂപീകരിച്ചത്.  നാളെ എല്ലാ തദ്ദേശ ഭരണ സ്ഥാപനങ്ങളിലും മിഷന്റെ യോഗം സംഘടിപ്പിക്കുന്നതിനും സര്‍ക്കാര്‍ നിര്‍ദേശിച്ചിട്ടുണ്ട്.