മട്ടന്നൂര്‍: കര്‍ഷക കോണ്‍ഗ്രസ് ജില്ലാ സമ്മേളനത്തിനു മട്ടന്നൂരില്‍ കൊടി ഉയര്‍ന്നു. ഉളിക്കലില്‍ നിന്നാരംഭിച്ച കൊടിമര ജാഥയും ചെറുപുഴയില്‍ നിന്നാരംഭിച്ച പതാക ജാഥയും മട്ടന്നൂരില്‍ സംഗമിച്ച ശേഷം സമ്മേളന നഗരിയില്‍ കര്‍ഷക കോണ്‍ഗ്രസ് ജില്ലാ പ്രസിഡന്റ് കെ.സി വിജയന്‍ പതാക ഉയര്‍ത്തി.
സംസ്ഥാന സെക്രട്ടറി എ.ഡി സാബൂസ്, ഡി.സി.സി സെക്രട്ടറി വി.ആര്‍ ഭാസ്‌കരന്‍, ടി.വി രവീന്ദ്രന്‍, ബാലന്‍ പൊറോറ, കെ.വി ജയചന്ദ്രന്‍, വി കുഞ്ഞിരാമന്‍, ടി ദിനേശന്‍, സുരേഷ് മാവില സംസാരിച്ചു.
കൊടിമര ജാഥ ഉളിക്കലില്‍ ഐ.എന്‍.ടി.യു.സി ദേശീയ ജനറല്‍ സെക്രട്ടറി കെ സുരേന്ദ്ര നും പതാക ജാഥ ചെറുപുഴയില്‍ ഡി.സി.സി പ്രസിഡന്റ് സതീശന്‍ പാച്ചേനിയും ഉദ്ഘാടനം ചെയ്തു.
പതാക ജാഥയ്ക്കു ജില്ലാ സെക്രട്ടറി ജോസ് പൂമലയും കൊടിമര ജാഥയ്ക്കു ടോണി ജോസ് പുഞ്ചക്കുന്നേലും നേതൃത്വം നല്‍കി.
ഇന്ന് വൈകുന്നേരം അഞ്ചിന് മട്ടന്നൂരില്‍ കര്‍ഷക റാലിയും പൊതുസമ്മേളനവും നടക്കും. ഉമ്മന്‍ ചാണ്ടി  ഉദ്ഘാടനം ചെയ്യും. കെ.സി ജോസഫ് എം.എല്‍.എ മുഖ്യാതിഥിയാകും. 19നു പ്രതിനിധി സമ്മേളനം പ്രതിപക്ഷ നേതാവ് രമേശ് ചെന്നിത്തല ഉദ്ഘാടനം ചെയ്യും.