ചെറുപുഴ: മറിയക്കുട്ടി വധത്തില്‍ കേസ് ഡയറി വായിക്കാനുള്ള സമയം പോലും ലഭിക്കാതെ വീണ്ടും അന്വേഷണ ഉദ്യോഗസ്ഥനെ മാറ്റി. അഞ്ച് വര്‍ഷത്തിനിടെ പന്ത്രണ്ട് ഡി.വൈ.എസ്.പിമാരാണ് കേസ് അന്വേഷിക്കാന്‍ നിയുക്തരായത്. ഡി.വൈ.എസ്പി ഉല്ലാസ് ആണ് കഴിഞ്ഞ മാസം മുതല്‍ കേസന്വേഷിക്കുനത്. ഇദ്ദേഹത്തെയാണ് ഇപ്പോള്‍ മാറ്റി മുന്‍പ് കേസ് അന്വേഷിച്ചിരുന്ന ഡി.വൈ.എസ്.പി ബാബുവിന് ചുമതല നല്‍കിയിരിക്കുന്നത്. 2012 മാര്‍ച്ച് അഞ്ചിനാണ് ചെറുപുഴ കാക്കയംചാലിലെ കൂട്ടമാക്കല്‍ മറിയക്കുട്ടി വീടിനുള്ളില്‍ കൊലചെയ്യപ്പെട്ട നിലയില്‍ കണ്ടെത്തിയത്. മൂവായിരം പേജുകളുള്ള കേസിന്റെ ഫയലുകള്‍ പഠിക്കാനുള്ള സമയം പോലും അന്വേഷണ ഉദ്യോഗസ്ഥര്‍ക്ക് ലഭിക്കുന്നതി നു മുന്‍പേ ഇവരെ മാറ്റുന്നതില്‍ ഉന്നത ഇടപെടലുകള്‍ ഉണ്ടെന്നാണ് നാട്ടുകാര്‍ പറയുന്നത്. സി.ബി.ഐ അന്വേഷണം ആവശ്യപ്പെട്ട് വീട്ടുകാര്‍ ഹൈക്കോടതിയെ സമീ    പിച്ചിരിക്കുകയാണ്.