പേരാമ്പ്ര: ചേനോളിയിലെ ഓട്ടോ ഡ്രൈവറായ ദലിത് യുവാവ് സുധീഷിന്റെ ദുരൂഹ മരണത്തില്‍ ലോക്കല്‍ പൊലിസിന്റെ അന്വേഷണം തൃപ്തികരമല്ലാത്ത സാഹചര്യത്തില്‍ പ്രത്യേക അന്വേഷണ സംഘത്തെ നിയമിക്കണമെന്ന് കെ.പി.സി.സി സെക്രട്ടറി അഡ്വ. കെ. പ്രവീണ്‍ കുമാര്‍ ആവശ്യപ്പെട്ടു.
മരണത്തെ തുടര്‍ന്ന് ഒളിവില്‍ പോയ പ്രതികളെ സുധീഷിന്റെ മാതാപിതാക്കളുടെയും ഭാര്യയുടെയും നാട്ടുകാരുടെയും പരാതി നിലനില്‍ക്കെ സ്റ്റേഷനില്‍ വിളിച്ചുവരുത്തി വിട്ടയച്ച സാഹചര്യത്തില്‍ അന്വേഷണം തൃപ്തി കരമല്ലെന്ന് ബോധ്യപ്പെടുകയാണ്. ലോക്കല്‍ പൊലിസിനെതിരേ വ്യാപക പരാതി ഉയര്‍ന്നതിനാല്‍ സുധീഷിന്റെ കുടുംബത്തിന് നീതി ലഭിക്കാന്‍ അന്വേഷണം പ്രത്യേക സംഘത്തെ ഏല്‍പ്പിക്കണമെന്ന് സുധീഷിന്റെ വീട്ടുകാരെ സന്ദര്‍ശിച്ച ശേഷം പ്രവീണ്‍ കുമാര്‍ ആവശ്യപ്പെട്ടു.