അറാറിയ: ബിഹാറില്‍ ലാലുപ്രസാദ് യാദവിന്റെ മകന്‍ തേജ്പ്രതാപിന്റെ വിവാഹത്തില്‍ പങ്കെടുത്ത് തിരികെപോകുമ്പോള്‍ വാഹനാപകടത്തില്‍ പെട്ട് നാലു പേര്‍ മരിച്ചു. ബിഹാറിലെ അറാറിയ ജില്ലയിലാണ് സംഭവം.
ആര്‍.ജെ.ഡി പ്രവര്‍ത്തകരാണ് അപകടത്തില്‍ മരിച്ചത്. ഇവര്‍ സഞ്ചരിച്ച കാര്‍ നിയന്ത്രണം വിട്ട് ഡിവൈഡറില്‍ ഇടിച്ച് മറിയുകയായിരുന്നു. പാര്‍ട്ടി പ്രവര്‍ത്തകനായ ഇഖ്‌റാമുല്‍ ഹഖ്, ഇന്തിഖാബ് അലാം, പപ്പു, സാഹില്‍ എന്നിവരാണ് മരിച്ചത്. ദുരന്തത്തില്‍ ലാലുപ്രസാദ് യാദവ് ഉള്‍പ്പെടെയുള്ള മുതിര്‍ന്ന നേതാക്കള്‍ അനുശോചിച്ചു.