ആറ്റിങ്ങല്‍: അനധികൃതമായി പാറ പൊട്ടിച്ച് കടത്താന്‍ ശ്രമിച്ച ഏഴുപേരെ ആറ്റിങ്ങല്‍ പൊലിസ് പിടികൂടി. കൊല്ലം സ്വദേശികളായ അശോക് (44), രാജേഷ് (36), സിജിന്‍ (34), പത്തനംതിട്ട സ്വദേശി രതീഷ് കുമാര്‍ (29), നഗരൂര്‍ സ്വദേശികളായ സുരേഷ്‌കുമാര്‍ (36), അജിന്‍ (26), ഹാരിദ് (23) എന്നിവരാണ് അറസ്റ്റിലായത്. പാറ നിറച്ച നാല് ടിപ്പറുകള്‍, ഒരു ഹിറ്റച്ചി ഉള്‍പ്പടെ ഏഴ് വാഹനങ്ങളും പിടിച്ചെടുത്തു.
രഹസ്യ വിവരം ലഭിച്ചതിനെ തുടര്‍ന്ന് കഴിഞ്ഞ ദിവസം അര്‍ധ രാത്രി ആറ്റിങ്ങല്‍ എസ്.ഐ തന്‍സീമും സംഘവും നടത്തിയ പരിശോധനയില്‍ നഗരൂര്‍ നെയ്ത്തുശാല ജങ്ഷനില്‍ നിന്നാണ്  ഇവരെ കസ്റ്റഡിയിലെടുത്തത്. ഇവരെ പിന്നീട് സ്റ്റേഷന്‍ ജാമ്യത്തില്‍ വിട്ടയച്ചു. നഗരൂരും പരിസര പ്രദേശങ്ങളിലും  അനധികൃത പാറ ഖനനം വ്യാപകമായിട്ടുണ്ട്.