എസ്.കെ.എസ്.എസ്.എഫ് ജില്ലാതല റമദാന്‍ പ്രഭാഷണം

കാസര്‍കോട്: ഹൃദയശുദ്ധിയാണ് മനുഷ്യ വിജയത്തിന്റെ അടിസ്ഥാനമെന്നും അതിനുള്ള തയാറെടുപ്പാണ് നാം ചെയ്യേണ്ടതെന്നും നീലേശ്വരം ഖാസി ഇ.കെ മഹ്മൂദ് മുസലിയാര്‍. 'സഹനം സമരം സമര്‍പ്പണം' എന്ന വിഷയത്തില്‍ എസ്.കെ.എസ്.എസ്.എഫ് ജില്ലാ കമ്മിറ്റി പുതിയ ബസ് സ്റ്റാന്റ് പരിസരത്തു സംഘടിപ്പിക്കുന്ന റമദാന്‍ പ്രഭാഷണ പരമ്പരയുടെ രണ്ടാം ദിവസത്തെ പരിപാടി ഉദ്ഘാടനം ചെയ്യുകയായിരുന്നു അദ്ദേഹം.
സ്വാഗതസംഘം ട്രഷറര്‍ ഹമീദ് ഹാജി ചൂരി അധ്യക്ഷനായി.
എസ്.കെ.എസ്.എസ്.എഫ് ജില്ലാ ട്രഷറര്‍ സുഹൈര്‍ അസ്ഹരി പള്ളങ്കോട് സ്വാഗതം പറഞ്ഞു. സ്വാലിഹ് മുസലിയാര്‍ ചൗക്കി പ്രാര്‍ഥന നടത്തി. ഇബ്രാഹിം ഖലീല്‍ ഹുദവി കല്ലായം 'പരസഹായം അവഗണിക്കപ്പെടുന്നു  വിട്ടു വീഴ്ച ധിക്കരിക്കപ്പെടുന്നു' എന്ന വിഷയത്തില്‍ പ്രഭാഷണം നടത്തി. സംസ്ഥാന വൈസ് പ്രസിഡന്റ് ഇബ്രാഹിം ഫൈസി ജെഡിയാര്‍, ജില്ലാ പ്രസിഡന്റ് താജുദ്ധീന്‍ ദാരിമി പടന്ന, ജില്ലാ ജനറല്‍ സെക്രട്ടറി ഹാരിസ് ദാരിമി ബെദിര, അഹ്മദ് മുസലിയാര്‍ ചെര്‍ക്കള, ഇ.പി.എസ് അബൂബക്കര്‍ തങ്ങള്‍ ചെട്ടുംകുഴി, അബൂബക്കര്‍ സാലൂദ് നിസാമി, പി.എസ് ഇബ്രാഹിം ഫൈസി പള്ളങ്കോട്, എസ്.പി സലാഹുദ്ധീന്‍, കണ്ണൂര്‍ അബ്ദുല്ല മാസ്റ്റര്‍, എം.എ ഖലീല്‍ മുട്ടത്തൊടി, സലാം ഫൈസി പേരാല്‍, നാഫിഅ അസ്അദി തൃക്കരിപ്പൂര്‍, ശമീര്‍ ഹൈത്തമി എം.എസ് എ പൂക്കോയ തങ്ങള്‍ മുട്ടത്തൊടി, ശറഫുദ്ധീന്‍ കുണിയ, റൗഫ് ഉദുമ, കെ.എം സൈനുദ്ധീന്‍ ഹാജി കൊല്ലമ്പാടി, മുഹമ്മദ് കുഞ്ഞി തുരുത്തി, സിറാജുദ്ധീന്‍ ഖാസി ലൈന്‍, ഇര്‍ഷാദ് ഹുദവി ബെദിര, ഹനീഫ് മൗലവി ഉളിയത്തടുക്ക, തുടങ്ങിയവര്‍ സംബന്ധിച്ചു. സയ്യിദ് അസ്‌ലം  തങ്ങള്‍ അല്‍ മശ്ഹൂര്‍ കൂട്ടുപ്രാര്‍ഥനയ്ക്കു നേതൃത്വം നല്‍കി.  
ഇന്നു നടക്കുന്ന പരിപാടി സമസ്ത കേന്ദ്ര മുശാവറ അംഗം എം.എ ഖാസിം മുസലിയാര്‍ ഉദ്ഘാടനം ചെയ്യും. ബഷീര്‍ ദാരിമി തളങ്കര അധ്യക്ഷനാവും. 'നവമാധ്യമങ്ങള്‍ ഖുആറിന്റെ തിരുത്ത് ' എന്ന വിഷയത്തില്‍ ഓണമ്പള്ളി മുഹമ്മദ് ഫൈസി പ്രഭാഷണം നടത്തും.
നാളെ രാവിലെ ഒന്‍പതിനു ഹാഫിള് നിസാമുദ്ധീന്‍ അസ്ഹരി കുമ്മനം 'നല്ല വീട് സ്വര്‍ഗ്ഗജീവിതം ഇവിടെയും സാധ്യമാകും' എന്ന വിഷയത്തിലും 28നു രാവിലെ ഒന്‍പതിനു 'നുകരാം ഈമാനിക മാധുര്യം' എന്ന വിഷയത്തില്‍ ബഷീര്‍ ഫൈസി ദേശമംഗലവും പ്രഭാഷണം നടത്തും.
റമദാന്‍ ക്യാംപയിന്റെ ഭാഗമായി ജില്ലയിലെ തിരഞ്ഞെടുക്കപ്പെട്ട കേന്ദ്രങ്ങളില്‍  ഖുര്‍ആന്‍ ടാലന്റ് ടെസ്റ്റു നടക്കും. 'ഒരു ദിനം ഒരു തിരു വചനം' എന്ന ഹദീസ് പഠനം സാമൂഹ്യ മാധ്യമങ്ങള്‍ വഴി നടത്തും. റമദാനിലെ പ്രത്യേക ദിനങ്ങളെ കുറിച്ചും ആരാധന, ആചാര രിതികളെ കുറിച്ചും ബോധവല്‍കരണം നടത്തും. ക്ലസ്റ്റര്‍ തലങ്ങളില്‍ തസ്‌കിയത്ത് മീറ്റ്, ശാഖ തലങ്ങളില്‍ ഐ, എഫ് ,സി ക്ലാസുകള്‍, ബദര്‍ ദിനത്തില്‍ മൗലീദ് സദസ്സ്, ഇ അത്തികാഫ് ജല്‍സ, സഹചാരി ഫണ്ട്, മേഖല തലത്തില്‍ സാമ്പത്തിക സെമിനാര്‍, ജില്ലാതല സംവേദനങ്ങള്‍ എന്നിങ്ങനെ വിവിധ പരിപാടികളാണ് ജില്ലയില്‍ വ്യാപകമായി നടക്കുന്നത്.