കൊടുങ്ങല്ലൂര്‍: ഒരു കിലോയിലധികം കഞ്ചാവുമായി യുവാവ് എക്‌സൈസിന്റെ പിടിയിലായി. പാലക്കാട് കൊപ്പം സ്വദേശി മുകേഷി (22)നെയാണ് കൊടുങ്ങല്ലൂര്‍  എക്‌സൈസ് റേഞ്ച് ഇന്‍സ്‌പെക്ടര്‍ വി.പി.സുധാകരനും സംഘവും അറസ്റ്റ് ചെയ്തത്. ഇയാളുടെ പക്കല്‍ നിന്നും ഒരു കിലോ നൂറ് ഗ്രാം കഞ്ചാവ് പിടിച്ചെടുത്തു. രണ്ടാഴ്ച്ച മുന്‍പ് തീരമേഖലയില്‍ കഞ്ചാവ് വില്‍പന നടത്തുന്ന യുവതിയെയും യുവാവിനെയും എക്‌സൈസ് സംഘം അറസ്റ്റ് ചെയ്തിരുന്നു,
ഇവരെ ചോദ്യം ചെയ്തതില്‍ നിന്നും മറ്റൊരു കഞ്ചാവ് ലോബിയെ കുറിച്ച് വിവരം ലഭിച്ചു. തുടര്‍ന്ന് എക്‌സൈസ് ഷാഡോ ടീം നടത്തിയ അന്വേഷണത്തിലാണ് യുവാവ് പിടിയിലായത്.
എക്‌സൈസ് പ്രിവന്റീവ് ഓഫിസര്‍മാരായ എം.കെ കൃഷ്ണന്‍, പി.ബി ദക്ഷിണാമൂര്‍ത്തി,സി.ഇ.ഒമാരായ അബ്ദുള്‍ ജബ്ബാര്‍, ബിന്ദു രാജ്, മന്‍മഥന്‍, വില്‍സന്‍, പി.കെ.സുനില്‍, കെ.എം അനില്‍കുമാര്‍, പി.പി ഷാജി,ബാബു എന്നിവരും അന്വേഷണ സംഘത്തിലുണ്ടായിരുന്നു.