വള്ളിക്കുന്ന്: സ്വകാര്യ വ്യക്തിയുടെ വീട്ടുപറമ്പിലെ മതിലിലെ മാളത്തില്‍ അധിവസിക്കുന്ന പെരുമ്പാമ്പുകള്‍ വീട്ടുകാര്‍ക്കും നാട്ടുകാര്‍ക്കും ഭീഷണി ആവുന്നു.
വള്ളിക്കുന്ന് ഗ്രാമപഞ്ചായത്തിലെ മുണ്ടിയന്‍കാവ് പറമ്പിനു സമീപത്തെ ടി കെ പീതാംബരന്റെ വീട്ടിലാണ് പെരുമ്പാമ്പുകള്‍ ഉള്ളത്. സമീപത്തുകൂടി കടന്നു പോവുന്ന മേച്ചേരി റോഡിലേക്കയാണ് വലിയ മാളങ്ങള്‍ സ്ഥിതി ചെയ്യുന്നത്. നേരത്തെ ഇവിടെ മുള്ളന്‍പന്നികള്‍ ധാരാളമായി ഉണ്ടായിരുന്നു.
ഇവ താമസിച്ചിരുന്ന മാളങ്ങളിലാണ് പെരുമ്പാമ്പുകള്‍ ഇപ്പോള്‍ താമസിക്കുന്നത്. കഴിഞ്ഞ കുറെ വര്‍ഷങ്ങളായി ഇവിടെ പെരുമ്പാമ്പുകളെ കണ്ടുവരുന്നുണ്ട്. ഇപ്പോ എണ്ണത്തിലും വന്‍ വര്‍ധന ഉണ്ടായിട്ടുണ്ട്.10 അടിയില്‍ അധികം നീളം വരുന്ന പെരുമ്പാമ്പുകളെ ഇവിടെ കണ്ടിട്ടുണ്ടെന്നു വീട്ടുടമ പറഞ്ഞു.
പലദിവസവും ഇവ പുറത്തേക്കു വരാറുമുണ്ട്. കുട്ടികള്‍ ഉള്‍പ്പടെ നിരവധി ആളുകള്‍ ഇതുവഴി യാത്ര ചെയ്യുന്നതാണ്. ഇതേതുടര്‍ന്ന് ഏറെ ഭയത്തിലാണ് നാട്ടുകാര്‍.