കോഡൂര്‍: സര്‍വിസില്‍ നിന്ന് വിരമിക്കുന്ന ഉപജില്ലാ വിദ്യാഭ്യാസ ഓഫിസര്‍ പി. ജയപ്രകാശിന് യാത്രയയപ്പ് നല്‍കി.
വെസ്റ്റ് കോഡൂര്‍ എ.എം.എല്‍.പി സ്‌കൂളില്‍ നടന്ന യാത്രയയപ്പ് സമ്മേളനം ഗ്രാമപ്പഞ്ചായത്ത് പ്രസിഡന്റ് സി.പി ഷാജി ഉദ്ഘാടനം ചെയ്തു. പി.ടി.എ പ്രസിഡന്റ് എം.ടി ബഷീര്‍ അധ്യക്ഷനായി. പി. ജയപ്രകാശിനുള്ള ഉപഹാരം പ്രസിഡന്റ് സി.പി ഷാജി കൈമാറി.
ഗ്രാമപ്പഞ്ചായത്ത് അംഗങ്ങളായ പി.കെ ഷരീഫ, അഫ്‌സത്ത് ചോലശ്ശേരി, ഉപജില്ലാ വിദ്യാഭ്യാസ ഓഫിസര്‍മാരായ പി. ജയപ്രകാശ്, പി. ഹുസൈന്‍, പ്രധാനാധ്യാപകന്‍ ബി. തുളസീധരന്‍, ഇ.എഫ്.എ ആമിര്‍, ടി.എ സലാം, എ.കെ അലവി, വി.പി നൗഷാദ് തുടങ്ങയവര്‍ സംസാരിച്ചു.