കൊച്ചി: നാലു വര്‍ഷം ഇടപ്പള്ളി ലുലു മാളിലെത്തിയത് ഏഴ് കോടി അറുപത് ലക്ഷത്തോളം സന്ദര്‍ശകര്‍. ഈ കാലയളവില്‍ 1.8 കോടി വാഹനങ്ങള്‍ ലുലു മാളില്‍ പാര്‍ക്കു ചെയ്തു. ലുലു മാളിന്റെ നാലാം വാര്‍ഷികാഘോഷം നടന്‍ ടൊവിനോ തോമസ് ഉദ്ഘാടനം ചെയ്തു. 30 വ്യത്യസ്ത വിഭാഗങ്ങളിലായി ഏര്‍പ്പെടുത്തിയ റിട്ടെയില്‍ അവാര്‍ഡ് ലുലു ഗ്രൂപ്പ് ഇന്ത്യ ഡയറക്ടര്‍ എം.എ. നിഷാദ്  വിതരണം ചെയ്തു.
ലുലു മാള്‍ ബിസിനസ് ഹെഡ് ഷിബു ഫിലിപ്പ്‌സ്, കൊച്ചി മാരിയേറ്റ് ജനറല്‍ മാനേജര്‍ ആനന്ദ് ഗണേശ്, ലുലു ഗ്രൂപ്പ് കൊമേഴ്‌സ്യല്‍ മാനേജര്‍ സാദിഖ് കാസിം, ലുലു മിഡീയ കോഓര്‍ഡിനേറ്റര്‍ എന്‍.ബി.സ്വരാജ്,  ഹൈപ്പര്‍മാര്‍ക്കറ്റ് ജനറല്‍ മാനേജര്‍ സുധീഷ് നായര്‍, ഫിനാന്‍സ്  മാനേജര്‍ സിബി തോമസ്, മാള്‍ അസി.മാനേജര്‍ കെ.കെ ഷെരീഫ്, സ്പാര്‍ക്കീസ് ജനറല്‍ മാനേജര്‍ അംബികപതി എന്നിവര്‍ പ്രസംഗിച്ചു.