മട്ടാഞ്ചേരി: കൊച്ചി മണ്ഡലത്തിലെ മുഖ്യമന്ത്രിയുടെ ദുരിതാശ്വാസ നിധിയാല്‍ നിന്നുള്ള ചികിത്സാധനസഹായം തിങ്കളാഴ്ച വിതരണം ചെയ്യും. തോപ്പുംപടി വില്ലേജ് ഓഫിസിനു മുന്നില്‍ നടക്കുന്ന ചടങ്ങില്‍ കൊച്ചി എംഎല്‍എ കെ.ജെ മാക്‌സി നല്‍കും. മണ്ഡലത്തിലെ 125 പേര്‍ക്കാണ് ചികിത്സാ സഹായം നല്‍ക്കുന്നത്. കുമ്പളങ്ങി യില്‍ 45 പേരും ചെല്ലാനത്ത് 20, മട്ടാഞ്ചേരി, ഫോര്‍ട്ട് കൊച്ചി, തോപ്പുംപടി, നസ്രത്ത്, പനയപ്പിള്ളി എന്നിവിടങ്ങളിലായി അറുപത് പേര്‍ക്കാണ് ചികിത്സാസഹായം നല്‍കുന്നതെന്ന് കെ ജെ മാക്‌സി എം എല്‍ എ പറഞ്ഞു.