കൊച്ചി: ലാവ്‌ലിന്‍ കേസില്‍ മുഖ്യമന്ത്രിക്കു വേണ്ടി ഹാജരാകാനെത്തിയ മുതിര്‍ന്ന സുപ്രിംകോടതി അഭിഭാഷകന്‍ ഹരീഷ് സാല്‍വെയുമായി ഡി.ജി.പി ലോക്‌നാഥ് ബെഹ്‌റ കൂടിക്കാഴ്ച നടത്തി. സാല്‍വെ താമസിക്കുന്ന ഹോട്ടലിലെത്തിയാണ് ഡി.ജി.പി അദ്ദേഹത്തെ കണ്ടത്.
കൂടിക്കാഴ്ചയ്ക്ക് മുന്‍പ് മുഖ്യമന്ത്രിയെയും ഡി.ജി.പി സന്ദര്‍ശിച്ചിരുന്നു. എന്നാല്‍ തന്റെ സന്ദര്‍ശനം തികച്ചും സ്വകാര്യമായിരുന്നുവെന്നും സി.ബി.ഐയില്‍ പ്രവര്‍ത്തിച്ചിരുന്ന സമയത്ത് താന്‍ ബന്ധപ്പെട്ട കേസുകള്‍ സാല്‍വെ കൈകാര്യം ചെയ്തിരുന്നുവെന്നും ഡി.ജി.പി പറഞ്ഞു. ലാവ്‌ലിന്‍ കേസുമായി തനിക്ക് ബന്ധമൊന്നുമില്ലെന്നും ഡി.ജി.പി മാധ്യമങ്ങളോട് പറഞ്ഞു.