കൊളംബോ: ശ്രീലങ്കക്കെതിരായ രണ്ടാം ക്രിക്കറ്റ് ടെസ്റ്റില്‍ ബംഗ്ലാദേശിനു 129 റണ്‍സ് ലീഡ്. ശ്രീലങ്കയുടെ ഒന്നാം ഇന്നിങ്‌സ് സ്‌കോറായ 338നു മറുപടിയായി ബംഗ്ലാദേശ് 467 റണ്‍സെടുത്തു. മൂന്നാം ദിനം കളി നിര്‍ത്തുമ്പോള്‍ രണ്ടാം ഇന്നിങ്‌സ് തുടങ്ങിയ ലങ്ക വിക്കറ്റ് നഷ്ടമില്ലാതെ 54 റണ്‍സെന്ന നിലയില്‍. കരുണരത്‌നെ (25), തരംഗ (25) എന്നിവരാണു ക്രീസില്‍. പത്തു വിക്കറ്റുകള്‍ ശേഷിക്കെ ബംഗ്ലാ ലീഡ് മറികടക്കാന്‍ ലങ്കയ്ക്ക് 76 റണ്‍സ് കൂടി വേണം.
ഓള്‍ റൗണ്ടര്‍ ഷാകിബ് അല്‍ ഹസന്‍ നേടിയ സെഞ്ച്വറി (116) കരുത്തിലാണു ബംഗ്ലാദേശ് മികച്ച സ്‌കോറിനെത്തിയത്. വാലറ്റത്ത് മൊസ്‌ദ്ദെക് ഹൊസൈന്‍ (75), മുഷ്ഫിഖര്‍ റഹിം (52) എന്നിവരും തിളങ്ങി. ലങ്കക്കായി ഹെറാത്ത്, സന്ദകന്‍ എന്നിവര്‍ നാലു വീതം വിക്കറ്റുകളെടുത്തു.