മേപ്പാടി: പുത്തൂര്‍ വയല്‍ സ്വാമിനാഥന്‍ ഗവേഷണ കേന്ദ്രത്തില്‍ മികച്ച കര്‍ഷക ഗ്രൂപ്പുകള്‍ക്കുള്ള അവാര്‍ഡ് സ്വീകരിക്കാന്‍ എത്തിയ യുവാവിന് തെരുവ് നായയുടെ കടിയേറ്റു. കാക്കവയല്‍ തെനേരി രാജ (38) നാണ് നായയുടെ കടിയേറ്റത്.
അവാര്‍ഡ് സ്വീകരിച്ച് ഹാളില്‍ നിന്നും പുറത്തിറങ്ങുമ്പോഴാണ് നായ ഇദ്ദേഹത്തെ ആക്രമിച്ചത്. ഇന്നലെ ഉച്ചക്ക് ഒരു മണിയോടെയായിരുന്നു സംഭവം. കാലിന് കടിയേറ്റ രാജനെ കല്‍പ്പറ്റ ജനറല്‍ ആശുപത്രിയില്‍ പ്രവേശിപ്പിച്ചു. പുത്തൂര്‍ വയല്‍ഭാഗത്ത് തെരുവ് നായ ശല്യം രൂക്ഷമാണ്.
കല്‍പ്പറ്റ നഗരസഭാ പരിധിയില്‍ തെരുവ് നായയുടെ ആക്രമണം പതിവായിരിക്കുകയാണ്. രണ്ടാഴ്ച്ച മുന്‍പ് നഗരസഭയുടെ സ്റ്റാന്‍ഡിങ് കമ്മിറ്റി ചെയര്‍മാന്‍ എ.പി ഹമീദ് ഉള്‍പെടെ പതിനഞ്ചോളം പേര്‍ക്ക് കടിയേറ്റിരുന്നു.