കൊളത്തൂര്‍: മാസങ്ങളായി വീട്ടുകാരുടെ ഉറക്കം കെടുത്തിയ മൂര്‍ഖന്‍ പാമ്പിനെ പിടികൂടി. കൊളത്തൂര്‍ അമ്പലപ്പടിയിലെ ഗവ. പ്രാഥമികാരോഗ്യ കേന്ദ്രത്തിനു സമീപത്ത് താമസിക്കുന്ന പഴയപ്പാട്ടില്ലത്ത് ഷംസുദ്ദീന്‍-സൈനുദ്ദീന്‍ എന്നിവരുടെ വീട്ടില്‍ നിന്നാണ് കൈപ്പുറം അബ്ബാസ് രണ്ടണ്ട് മീറ്റര്‍ നീളമുള്ള മൂര്‍ഖനെ പിടികൂടിയത്.
കഴിഞ്ഞ ദിവസമാണ് വീടിനുസമീപത്തെ വിറകു പുരയ്ക്കരികില്‍ കോഴിയും താറാവും ചത്ത് കിടക്കുന്നതായി വീട്ടുകാരുടെ ശ്രദ്ധയില്‍പ്പെട്ടത്. വീട്ടുകാര്‍ അറിയിച്ചതിനനുസരിച്ച് സ്ഥലത്തെത്തിയ അബ്ബാസ് വിറക്പുര പൊളിച്ചുമാറ്റി വിറക് നീക്കം ചെയ്‌തെങ്കിലും പാമ്പിനെ കണ്ടണ്ടെത്താനായില്ല. തുടര്‍ന്ന് ഇന്നലെ രാവിലെയാണ് എട്ട് പ്രാവുകള്‍ കൂടി ചത്ത് കിടക്കുന്നതായി വീട്ടുകാരുടെ ശ്രദ്ധയില്‍പ്പെട്ടത്. അബ്ബാസിനെ വിവരമറിയിച്ചതോടെ ഉടന്‍ സ്ഥലത്തെത്തിയ അബ്ബാസ് പ്രാവുകളുടെ കൂടിനകത്ത് കയറിക്കൂടിയ മൂര്‍ഖനെ പിടികൂടുകയായിരുന്നു.
ഇതിനിടെ പാമ്പ് വിഴുങ്ങിയ രണ്ടണ്ട് പ്രാവിന്‍ കുഞ്ഞുങ്ങളേയും പാമ്പ് വായില്‍ നിന്നും പുറന്തള്ളി. ഇതോടെ ഒന്‍പത് പ്രാവുകളും ഒരു താറാവും കോഴിയുമടക്കം പതിനൊന്ന് ജീവികളെയാണ് മൂര്‍ഖന്‍ കൊത്തികൊന്നത്.