കൊച്ചി: മുന്‍ മന്ത്രി ഷിബുബേബി ജോണ്‍ വഞ്ചകനാണെന്നു കെ.ബി ഗണേഷ്‌കുമാര്‍ എം.എല്‍.എ. ഷിബുവിന്റെ അഹങ്കാരത്തിനും അഴിമതിക്കും കിട്ടിയ തിരിച്ചടിയാണ് ചവറയിലെ തോല്‍വിയെന്നും സോളാര്‍ കമ്മിഷനില്‍ മൊഴി നല്‍കിയതിനു ശേഷം മാധ്യമപ്രവര്‍ത്തകരോടു സംസാരിക്കവേ അദ്ദേഹം പറഞ്ഞു.
ഷിബുവിനെതിരേ സരിത സോളാര്‍ കമ്മിഷനില്‍ മൊഴിനല്‍കിയതു തന്റെ നിര്‍ദേശപ്രകാരമാണന്ന ആരോപണം ശരിയല്ല. വ്യക്തിപരമായ വിരോധംകൊണ്ടാണ് ഇത്തരം ആരോപണം ഉന്നയിക്കുന്നത്. ഷിബു ബേബിജോണുമായി നല്ല സൗഹൃദത്തിലായിരുന്നു. മന്ത്രിയായിരുന്നപ്പോള്‍ അദ്ദേഹം നടത്തുന്ന അഴിമതികളെകുറിച്ച് അദ്ദേഹത്തിന്റെ പേഴ്‌സണല്‍ സ്റ്റാഫിനോട് പറഞ്ഞതാണ് വിരോധത്തിനു കാരണം. ചാനല്‍ ചര്‍ച്ചകളില്‍ തന്റെ കുടുംബകാര്യത്തില്‍ തനിക്കെതിരേ യാതൊരു അടിസ്ഥാനവുമില്ലാതെയാണ് ഷിബു ആരോപണമുന്നയിച്ചതെന്നും ഷിബുവിന് ആരൊക്കെയായി വഴിവിട്ട ബന്ധമുണ്ടെന്നു തനിക്കറിയാമെന്നും അദ്ദേഹം പറഞ്ഞു.