കോഴിക്കോട്:  ഡ്രൗണ്‍ സിന്‍ഡ്രോം ദിനാചരണത്തോടനുബന്ധിച്ച് ഡൗണ്‍സിന്‍ഡ്രോം ട്രസ്റ്റ്, ദോസ്ത് സപ്പോര്‍ട്ട് ഗ്രൂപ്പ്  കാലിക്കറ്റ്, ഐ.എം.എ എന്നിവ സംയുക്തമായി രക്ഷിതാക്കള്‍ക്കുള്ള ബോധവല്‍ക്കരണ ക്ലാസ്, പൊതുസമ്മേളനം,  ചര്‍ച്ചകള്‍, ഡൗണ്‍സിന്‍ഡ്രോം അവസ്ഥയുള്ള കുട്ടികള്‍ക്കായുള്ള കലാപരിപാടികള്‍ ഈ മാസം 21ന്  രാവിലെ പത്തിന് കോഴിക്കോട് ഐ.എം.എ ഹാളില്‍ നടക്കും. കലക്ടര്‍  യു.വി ജോസ് വൈകീട്ട് 5.30ന് ഉദ്ഘാടനം ചെയ്യും.  ഇതിനോടനുബന്ധിച്ച് 14വയസിന് മുകളിലുള്ള ഭിന്നശേഷിക്കാര്‍ക്കുള്ള രജിസ്‌ട്രേഷനും നിറമയ  ഇന്‍ഷൂറന്‍സ് പുതുക്കാനും പുതുതായി ചേരാനുമുള്ള അവസരവും ഉണ്ടായിരിക്കും. ചടങ്ങില്‍ ഈ വര്‍ഷത്തെ  ദോസ്ത് അവാര്‍ഡ് ഡോ. രാമകൃഷ്ണന്‍ പാലാട്ട്, ഡോ. എന്‍ ഉത്തമന്‍ എന്നിവര്‍ക്ക് വിതരണം  ചെയ്യും. വാര്‍ത്താസമ്മേളനത്തില്‍ ഡൗണ്‍ സിന്‍ഡ്രോം ട്രസ്റ്റ് ചെയര്‍മാന്‍ ഡോ. ഷാജി തോമസ് ജോണ്‍, സെക്രട്ടറി ടി നാസര്‍ ബാബു, വിജയന്‍ പയ്യാക്കില്‍ പങ്കെടുത്തു.