കോഴിക്കോട്: ജില്ലാസഹകരണ ബാങ്കിന്റെ ശതാബ്ദി ആഘോഷ പരിപാടികളുടെ ഉദ്ഘാടനം ഏപ്രില്‍ അവസാനവാരം മുഖ്യമന്ത്രി പിണറായി വിജയന്‍ നിര്‍വഹിക്കും. പ്രതിപക്ഷ നേതാവ് രമേശ് ചെന്നിത്തല, സഹകരണ മന്ത്രി കടകംപള്ളി സുരേന്ദ്രന്‍ ചടങ്ങില്‍ പങ്കെടുക്കും. ശതാബ്ദി ആഘോഷ ലോഗോയുടെ പ്രകാശനം പ്രസ് ക്ലബ് പ്രസിഡന്റ് കമാല്‍ വരദൂര്‍ നിര്‍വഹിച്ചു. പ്രൊഫ. ഏ.കെ പ്രേമജം അധ്യക്ഷയായി. ശതാബ്ദി ആഘോഷ പരിപാടികളെക്കുറിച്ച് ബാങ്ക് പ്രസിഡന്റ് മനയത്ത് ചന്ദ്രന്‍ വിശദീകരിച്ചു. കൗണ്‍സിലര്‍ പി. കിഷന്‍ചന്ദ്, പി.ദാമോദരന്‍, ബാങ്ക് എക്‌സിക്യൂട്ടീവ് ഡയറക്ടമാരായ എന്‍. സുബ്രഹ്മണ്യന്‍, യു.രാജീവന്‍, ജി. നാരായണന്‍ കുട്ടി  തുടങ്ങിയവര്‍ സംസാരിച്ചു. അഡ്വ. ഐ. മൂസ സ്വാഗതവും സി. അബ്ദുള്‍ മുജീബ് നന്ദിയും പറഞ്ഞു.