തിരുവനന്തപുരം: പൊന്നമ്പലമേട്ടില്‍ ക്ഷേത്രം നിര്‍മിക്കാന്‍ ദേവസ്വം ബോര്‍ഡ് തീരുമാനിച്ചിട്ടില്ലെന്ന് തിരുവിതാംകൂര്‍ ദേവസ്വം ബോര്‍ഡ് പ്രസിഡന്റ് പ്രയാര്‍ ഗോപാലകൃഷ്ണന്‍ പ്രസ്താവനയില്‍ പറഞ്ഞു.
ഇതു സംബന്ധിച്ച് വിവാദത്തിനില്ലെന്നും പൊന്നമ്പലമേട്ടില്‍ ക്ഷേത്രം നിര്‍മിക്കണമെന്നു പറയാന്‍ ഒരു ഭക്തനെന്ന നിലയില്‍ അഭിപ്രായ സ്വാതന്ത്ര്യമുണ്ടെന്നും ഭക്തിയും വിശ്വാസവുമാണ് അതിനു കാരണമെന്നും അദ്ദേഹം കൂട്ടിച്ചേര്‍ത്തു.